ہفتہ تشکر کے سلسلے میں ایم کیوایم کے کارکنوں نے عزیزآباد کے جناح گراؤنڈ میں قائم یادگارِ شہداء پہنچ کرتحریک کے شہداء کوسیلوٹ پیش کیا اورشہدا کے لئے فاتحہ خوانی کی
بیشترخواتین کارکنوں نے بھی یادگار شہدا پہنچ کرفاتحہ خوانی کی
ایم کیوایم کے کارکنوں کی یاسین آباد میں شہدا قبرستان میں شہداکی قبروں پر بھی فاتحہ خوانی ، پھول چڑھائے ، خراج عقیدت پیش کیا
ایم کیوایم کے کارکنوں نے پاپوش نگر، نیوکراچی اورمیوہ شاہ قبرستان میں بھی شہدا کی قبروں پر پھول چڑھائے
کراچی …24 جولائی 2024ئ
برطانیہ میں پراپرٹی کیس میں ایم کیوایم کے بانی وقائد جناب الطاف حسین کے حق میں فیصلہ آنے کی خوشی میں منائے جانے والے ہفتہ تشکر کے سلسلے میں کراچی میں مختلف سیکٹروں سے تعلق رکھنے والے ایم کیوایم کے کارکنوں نے عزیزآباد کے جناح گراؤنڈ میں قائم شہداء کی یادگارپر جا کرتحریک کے شہداء کوسیلوٹ پیش کیا، ان کیلئے فاتحہ خوانی کی اورانہیں خراج عقیدت پیش کیا۔ جناح گراؤنڈ کے اطراف میں عام طورپرپولیس اوررینجرز کی موبائلیں ہوتی ہیں جس کی وجہ سے لوگ یادگارشہداپر جانے سے قاصر رہتے ہیں ، تاہم ہفتہ تشکر کے سلسلے میں اپنے شہید وں کوخراج عقیدت پیش کرنے کیلئے ایم کیوایم کے کئی کارکنان نے کسی نہ کسی طرح یادگارشہدا پہنچ کر شہیدوں کو سیلوٹ پیش کیا۔ نوجوانوں کے علاوہ بیشترخواتین کارکنوں نے بھی کسی طرح یادگارشہدا پہنچ کرفاتحہ خوانی کی اور شہیدوں کوخراج عقیدت پیش کیا۔ یادگارشہدا کے ساتھ ساتھ کارکنوں نے مختلف ٹولیوں کی شکل میں عزیزآباد کے علاقے یاسین آباد میں واقع شہدا قبرستان پہنچ کرشہداکی قبروں پر بھی فاتحہ خوانی کی ، قبروں پرپھول چڑھائے اورشہدا کوخراج عقیدت پیش کیا۔ اس کے علاوہ کارکنوں نے پاپوش نگر، نیوکراچی اورمیوہ شاہ قبرستان میں بھی تحریک کے شہداکی قبروں پر حاظری دی ، پھول چڑھائے اورفاتحہ خوانی کی ۔
٭٭٭٭٭