بلد یہ عظمی کے ماتحت اسپتا لوں ،ڈسپنسریوں اور میٹرنٹی ہو مز کی فیسوں میں غیر قانو نی اضا فہ عوام دشمنی ہے، ایم کیو ایم میڈیکل ایڈ کمیٹی

کر اچی ۔۔۔11ستمبر 2014ء 

متحدہ قومی موومنٹ کی میڈیکل ایڈ کمیٹی کے انچارج فاروق جمیل واراکین نے بلد یہ عظمی کے ماتحت اسپتا لوں ،ڈسپنسریوں اور میٹرنٹی ہو مز کی فیسوں میں 500فیصد غیر قانو نی اضا فے کو یکسر مسترد کر تے ہوئے اس عمل کو عوام دشمنی قراردیا ہے۔ایک بیان میں انہوں نے کہا کہ کراچی انسٹیٹیوٹ آف ہارٹ ڈزیز کے مریضو ں کو سستی طبی سہو لت مہیا کر تا تھا لیکن ایکوٹیسٹ کی فیس کو300روپے سے بڑھا کر800روپے کر دیا گیا ہے جبکہ یہی ٹیسٹ نجی اسپتال میں نہایت کم قیمت پر با آسانی کر ایا جاسکتا ہے اور اسی طرح مختلف ٹیسٹ اور سرجری کے چارجز میں بھی اضافہ کر دیا گیا ہے جو بر ہ راست اثر غریب عوام پہ پڑے گیا ۔ فاروق جمیل نے کہا کہ پو ری دنیا میں جمہوری حکومتوں کی ذمہ داری اپنی عوام کو صحت وتعلیم کی بہترسہولیات فراہم کرنا ہوتا ہے لیکن ہمارے ملک کے حکمران عوام کے مسائل حل کرنے میں غیر سنجیدہ ہیں۔میڈیکل ایڈ کمیٹی کے انچارج و اراکین نے کہا کہ جناب الطاف حسین نے اپنی جدوجہد کا آغاز ملک کے غریب ، محروم و 98فیصد متوسط طبقے کے عوام کے حقوق حاصل کرنے کیلئے کیا تھا اور ایم کیوایم ہر شعبے میں عوامی مسائل حل کرنے کیلئے کوشاں ہے۔ ایم کیو ایم میڈیکل ایڈکمیٹی کے انچارج فاروق جمیل و اراکین نے گو رنر سندھ ڈاکٹر عشرت العباد خان ،وزیر اعلی سندھ سید قائم علی شاہ اوروزیر بلد یا ت سے مطالبہ کیا کہ وہ بلدیاتی اسپتالوں، ڈسپینسریوں اور میٹر نیٹی ہومز کی فیسوں میں اضا فے کا نوٹس لیتے ہوئے اضافے کو فی الفور واپس لیں اور عوام دشمن اقدامات کرنے والے ذمہ داران کے خلاف قانونی کارروائی عمل میں لائیں ۔