متحدہ قومی موومنٹ کے تحت ’’شہید بیداری پنجاب‘‘ طاہرہ آصف کی روح کے ایصال ثواب کیلئے قرآن خوانی و فاتحہ خوانی کاانعقاد

کراچی۔۔۔22جون2014ء

متحدہ قومی موومنٹ کے زیر اہتمام اتوارکوعصرتامغرب لال قلعہ گراؤنڈعزیزآبادمیں’’شہید بیداری پنجاب‘‘ رکن قومی اسمبلی محترمہ طاہرہ آصف کے فاتحہ سوئم کے موقع پرشہیدکی روح کے ایصال ثواب کیلئے قرآن خوانی و فاتحہ خوانی کے اجتماع کاانعقادکیاگیاجس میں ایم کیوایم کی رابطہ کمیٹی کے ڈپٹی کنوینرڈاکٹرخالدمقبول صدیقی،انجینئرناصرجمال،اراکین رابطہ کمیٹی ڈاکٹرمحمدفاروق ستار،حیدر عباس رضوی ، کنور خالدیونس،سید امین الحق،ڈاکٹرصغیراحمد،احمدسلیم صدیقی،اسلم آفریدی،گلفرازخان خٹک،کہف الوریٰ،توصیف خانزادہ،آنسہ ممتازانوار،حق پرست صوبائی وزراء ، اراکین سینیٹ ، قومی وصوبائی اسمبلی،ایم کیوایم کے ونگزوشعبہ جات کے ارکان،کراچی کے مختلف سیکٹرزویونٹ کمیٹیوں کے عہدیداران،کارکنان اورہمدردوں نے بڑی تعدادمیں شرکت کی ۔اس موقع پرحق پرست سینیٹرمولاناتنویرالحق تھانوی نے انتہائی خشوع وخضوغ کے ساتھ شہیدطاہرہ آصف کی مغفرت ان کے درجات کی بلندی کے فاتحہ خوانی کرائی اورقائدتحریک جناب الطاف حسین سمیت شہیدکے شوہر،بچوں اور تمام سوگوارلواحقین کے صبر جمیل ،پنجاب سمیت ملک بھرمیں ایم کیوایم کی کامیابی،ضرب عضب کی کامیابی ،سازشوں کے خاتمے ، اسیروں کی رہائی،لاپتہ کارکنان کی واپسی ،پاکستان کی بقاء وسلامتی،دہشت گردی کے خاتمے اورقوم کی خوشحالی سمیت قائدتحریک جناب الطاف حسین کی صحت وتندرستی اوردرازی عمر کے لئے اجتماعی دعائیں کرائی۔