ایم کیوایم کی رکن قومی اسمبلی محترمہ طاہر ہ آصف کے شوہر میاںآصف او ران کی صاحبزادی سےالطاف حسین کی گفتگو،قاتلانہ حملہ کی مذمت کی

طاہر ہ آصف ایک بہادر ، بے باک اور نڈر خاتون ہیں ، دھمکیاں ملنے کے باوجودانہوں نے حق کو حق اور باطل کو باطل کہنا نہیں چھوڑا

لندن ۔۔18جون 2014ء

ایم کیوایم کے قائد جناب الطا ف حسین نے بد ھ کی سہ پہر ایم کیوایم کی رکن قومی اسمبلی محترمہ طاہر ہ آصف کے شوہر میاںآصف او ران کی صاحبزادی کو فون کر کے محترمہ طاہر ہ آصف پر ہونے والے قاتلانہ حملہ کی شدید مذمت کی اور ان سے دلی ہمدردی کا اظہار کیا ۔ میاںآصف سے گفتگو کرتے ہوئے جناب الطاف حسین نے کہا کہ اس المناک واقعہ پر مجھے ذاتی طور پر سخت صدمہ پہنچا ہے اور میں اللہ تعالیٰ کے حضور دعا گو ہوں کہ وہ محترمہ طاہر ہ آصف کو زندگی اور صحت کاملہ عطا فرمائے ۔ جناب الطاف حسین نے کہا کہ محترمہ طاہرہ آصف کو گذشتہ چند ماہ سے دھمکیاں مل رہی تھیں ۔ انہیں اپنی سیکیورٹی کی طر ف سے شدید تحفظات تھے جسکا اظہار وہ ایم کیوایم کے پارلیمانی لیڈر اور رابطہ کمیٹی کے اراکین سے بھی کر چکی تھیں ان کی ہدایت پر انہوں نے مقامی انتظامیہ سے سیکیورٹی فراہم کرنے کیلئے بھی کئی درخواستیں دی تھیں لیکن ان درخواستوں کا کوئی نتیجہ برآمد نہیں ہوا ۔جناب الطاف حسین نے مذید کہا کہ محترمہ طاہر ہ آصف ایک بہادر ، بے باک اور نڈر خاتون ہیں اور دھمکیاں ملنے کے باوجودانہوں نے حق کو حق اور باطل کو باطل کہنا نہیں چھوڑا ۔جناب الطاف حسین نے محترمہ طاہر ہ آصف کی صاحبزادی کو بھی تسلی دی او رکہا کہ آپ کو فخر ہونا چاہئے کہ آپ ایک بہادر ماں کی بیٹی ہیں اور اس وقت تمام حق پرست عوام آپ کی والدہ کی صحت یابی کیلئے دعا گو ہیں ۔جناب الطاف حسین نے محترمہ طاہر ہ آصف کے شوہر اور بیٹی سے کہا کہ آزمائشوں کی اس گھڑی میں مجھ سمیت ایم کیوایم کا ایک ایک ذمہ دار ،کارکن اور ہمدرد آپ کے ساتھ ہے او رمجھے یقین ہے کہ اللہ تعالیٰ محترمہ طاہر ہ آصف کو جلد از جلد صحت کا ملہ عطا فرمائے گا ۔