عوام وکارکنان ایم کیو ایم کی خاتون رکن قومی اسمبلی طاہرہ آصف کی زندگی بچانے کیلئےخون کاعطیہ دیں۔الطاف حسین
طاہرہ آصف اس وقت لاہورکے شیخ زیداسپتال میں موت وزندگی کی کشمکش میں مبتلاہیں
ڈاکٹرزان کی زندگی بچانے کی سرتوڑکوششیں کررہے ہیں ،تاہم ان کے زخموں سے خون مسلسل بہہ رہاہے ، انہیں مزیدخون کی ضرورت ہے۔ اوپوزیٹو (O+) خون عطیہ دینے کیلئے اسپتال پہنچیں۔
لندن۔۔۔18 جون 2014 ء
متحدہ قومی موومنٹ کے قائد جناب الطاف حسین نے عوام وکارکنان سے اپیل کی ہے کہ وہ ایم کیو ایم کی خاتون رکن قومی اسمبلی طاہرہ آصف کی زندگی بچانے کے لئے خون کاعطیہ دیں۔ انہوں نے کہاکہ طاہرہ آصف اس وقت لاہورکے شیخ زیداسپتال میں موت وزندگی کی کشمکش میں مبتلاہیں۔ ڈاکٹرزان کی زندگی بچانے کی سرتوڑکوششیں کررہے ہیں ،تاہم ان کے زخموں سے خون مسلسل بہہ رہاہے اورچھ بوتلیں خون دینے کے باوجود انہیں مزیدخون کی ضرورت ہے۔ جناب الطاف حسین نے عوام سے اپیل کی کہ وہ اوپوزیٹو (O+) خون عطیہ دینے کیلئے اسپتال پہنچیں۔