قائدتحریک جناب الطاف حسین نے ہمیشہ فرقہ وارانہ ہم آہنگی کے فروغ کادرس دیاہے،اراکین رابطہ کمیٹی

کراچی:۔۔۔ 06مئی2014ء

متحدہ قومی موومنٹ کی رابطہ کمیٹی کے ارکان اشفاق منگی،عبدالحسیب اوراحمدسلیم صدیقی نے کہاہے کہ قائدتحریک جناب الطاف حسین نے ہمیشہ فرقہ وارانہ ہم آہنگی کے فروغ کادرس دیاہے ۔ان خیالات کااظہارانہوں نے گذشتہ روزملیرجعفرطیارمیں ایم کیوایم علماء کمیٹی کے رکن ذوالفقارعلی کی طرف سے منعقدکیے گئے’’جشن معصومین‘‘کے حوالے سے محفل منقبت کاپروگرام میں شرکاء سے خطاب کے دوران کیا۔پروگرام کی صدرات علامہ عون نقوی نے کی جس میں جعفریہ الائنس کے صدرعباس کمیلی،سلمان مجتبیٰ ،مولاناباقرزیدی سمیت مختلف مکاتب فکرکے علمائے کرام ،دانشورحضرات ،مختلف شعبہ ہائے زندگی سے تعلق رکھنے والے معززین اور حق پرست رکن قومی اسمبلی ساجداحمد،ایم کیوایم علماء کمیٹی کے انچارج جاویداحمدکے علاوہ دیگرنے بھی بڑی تعدادمیں شرکت کی۔جشن معصومین پروگرام میں ایم کیوایم علماء کمیٹی کے رکن وسابق حق پرست کونسلر چچاوحیدالحسن مرحوم کی یادمیں بیادچچاوحیدالحسن رکھاگیااورچچاوحیدکوزبردست خراج عقیدت پیش کیاگیا۔رابطہ کمیٹی نے کہاکہ قائدتحریک الطاف حسین نے شروع دن سے فرقہ وارانہ ہم آہنگی کے فروغ کے لئے درس دیااورتمام مسلمانوں کوملانے کی بات کی ۔انہوں نے کہاکہ اہل بیت ؑ سے محبت بھی الطاف حسین کاپیغام اوربھائی چارہ قائم کرنے کی تلقین کی ۔