گڈاپ چیک پوسٹ کے قریب دو بسوں اور ٹرالر کے درمیان ہولناک تصادم پر الطاف حسین کااظہار تشویش
ہولناک تصادم میں ہلاک ہونے والوں کے لواحقین کا غم بانٹا جائے اور بلوچستان حکومت کے وزراء اور دیگر ذمہ داران گھر گھر جا کر سوگوار لواحقین سے تعزیت کریں، الطاف حسین کی وزیراعلیٰ بلوچستان سے اپیل
تصادم میں خواتین اور بچوں سمیت 30سے زائد قیمتی انسانی جانوں کے ضاع پر تمام سوگوار لوحقین اوراہلیان بلوچستان سے الطاف حسین کا دلی تعزیت و ہمدردی کااظہار
حکومت بلوچستان ہلاک شدگان کے لواحقین کو معاوضہ دے اور زخمیوں کے علاج و معالجہ میں کوئی کسر باقی نہ رکھے، الطاف حسین
بلوچستان میں روز مرہ ہونے والے ٹریفک کے حادثات کو کم سے کم کرنے کیلئے ہنگامی بنیادوں پر اقدامات بروئے کار لائے، الطاف حسین
لندن۔۔۔22، مارچ2014ء
متحدہ قومی موومنٹ کے قائد جناب الطاف حسین نے صوبہ بلوچستان کے علاقے گڈانی چیک پوسٹ کے قریب دو بسوں اور ٹرالر کے درمیان ہولناک تصادم پر انتہائی تشویش کااظہار کیا ہے اور تصادم کے نتیجے میں خواتین اور بچوں سمیت 30سے زائد قیمتی انسانی جانوں کے ضاع پر ہلاکت شدگان کے لواحقین اور اہلیان بلوچستان سے دلی تعزیت و ہمدردی کااظہار کیا ہے ۔ ایک بیان میں انہوں نے کہا کہ دعا کی کہ اللہ تعالیٰ ہلاک شدگان کو کی مغفرت فرمائے اور زخمیوں کو جلد و مکمل صحت یابی عطا کرے ۔ جناب الطاف حسین نے وزیراعلیٰ بلوچستان ڈاکٹر عبد المالک سے پرزور اپیل کی کہ وہ ہولناک تصادم میں ہلاک ہونے والوں کے لواحقین کا غم بانٹیں ، بلوچستان حکومت کے وزراء اور دیگر ذمہ داران گھر گھر جا کر سوگوار لواحقین سے تعزیت کریں، حکومت بلوچستان ہلاک شدگان کے لواحقین کو معاوضہ دے اور زخمیوں کے علاج و معالجہ میں کوئی کسر باقی نہ رکھے ۔ جناب الطاف حسین نے حکومت بلوچستان سے یہ اپیل بھی کہ وہ بلوچستان میں روز مرہ ہونے والے ٹریفک کے حادثات کو کم سے کم کرنے کیلئے ہنگامی بنیادوں پر اقدامات بروئے کار لائے ۔