رابطہ کمیٹی کے رکن رشید گوڈیل کی عبد اللہ شاہ غازی ؒ کے مزار پر حاضری

کراچی 26فروری 2014ء

متحدہ قومی موومنٹ کے قائد جناب الطاف حسین کی ہدایت پر رابطہ کمیٹی کے رکن رشید گوڈیل نے ایم کیوایم کے زیر اہتمام گزشتہ روز مسلح افواج کیلئے نکالی گئی اظہار یکجہتی ریلی کی عظیم الشان کامیابی پر کراچی میں واقع عبد اللہ شاہ غازی ؒ کے مزار پر حاضری دی اور قائد تحریک جناب الطاف حسین کی جانب سے چادر چڑھائی ۔ اس موقع پر ایم کیوایم علماء کمیٹی کے انچارج جاوید احمد ، اراکین اور ایم کیوایم کے سیکٹر و یونٹ کے ذمہ داران و کارکنان بھی ان ہمراہ تھے ۔ رشید گوڈیل نے عبد اللہ شاہ غازی ؒ کے مزار پر فاتحہ خوانی کی اور ملک سے دہشت گردی کے خاتمے ، امن و امان کے قیام اور دہشت گردی کے خلاف جناب الطاف حسین کی مخلصانہ و حق پرستانہ جدوجہد کی کامیابی کیلئے خصوصی دعا کی ۔