مومن آبادتھانے کے قریب دھماکوں پر جناب الطا ف حسین کا اظہار مذمت

لندن۔۔۔۔15فروری2014ء

متحدہ قومی موومنٹ کے قائد جناب الطاف حسین نے اور نگی ٹاؤن میں مومن آباد کے تھانے کے قریب دھماکوں کی سخت ترین الفاظ میں مذمت کی ہے اور دھماکے میں دو ا ہلکار سمیت پانچ افراد کے زخمی ہونے پر گہرے دکھ اور افسوس کا اظہار کیا ہے۔ ایک بیان میں جناب الطاف حسین نے کہاکہ سفاک دہشت گرد قانون نافذکرنے والے اداروں کے اہلکاروں کو دہشت گردی کا نشانہ بنایا جارہا ہے ، مساجد، امام بارگاہوں، بزرگان دین کے مزارات اور آستانوں پرخودکش حملے اوربم دھماکے کئے جارہے ہیں اورمعصوم وبے گناہ شہریوں کو خاک وخون میں نہلارہے ہیںیہ سفاک دہشت گردملک و قوم کے کھلے دشمن ہیں ۔ جناب الطاف حسین نے صدرممون حسین ، وزیراعظم میاں نواز شریف او روفاقی وزیر داخلہ چوہدری نثارعلی سے مطالبہ کیا کہ مومن آباد تھانے قریب دھماکوں کا نوٹس لیاجائے ،اس میں ملوث دہشت گردوں کے خلاف ٹھوس اور سخت نوعیت کے اقدامات عمل میں لائے جائیں ۔انہوں نے د ھماکے میں زخمی ہونے والے افراد کے جلد و مکمل صحت یابی کیلئے دعا بھی کی