ایم کیوایم مرکزی شعبہ خواتین کی جوائنٹ انچارج اور رکن سندھ اسمبلی نائلہ منیر کے والد عبدالطیف علالت کے باعث انتقال کر گئے

کراچی:۔۔۔27جنوری،2014

متحدہ قومی موومنٹ مرکزی شعبہ خواتین کی جوائنٹ انچارج اور رکن سندھ اسمبلی نائلہ منیر کے والد عبدالطیف علالت کے باعث انتقال کر گئے، مرحوم کی عمر 80سال کی تھی اور انہوں نے پسماندگان میں دو صاحبزادے اورچار صاحبزادیاں چھوڑی ہیں۔ مرحوم گزشتہ کئی روز سے علیل تھے اور وہ مقامی اسپتال میں زیر علاج تھے ۔

دریں اثناء متحدہ قومی موومنٹ کی رابطہ کمیٹی اور مرکزی شعبہ خواتین اراکین نے مرکزی شعبہ خواتین کی جوائنٹ انچارج اور رکن سندھ اسمبلی نائلہ منیر اور معروف کرکٹر راشد لطیف کے والد کے انتقال پر گہرے دکھ اور افسوس کا اظہار کیا ہے ۔ انہوں نے مرحوم تمام سو گوار لواحقین سے دلی تعزیت وہمددری اظہار کر تے ہوئے دعا کی کہ اللہ تعالیٰ مرحوم کی مغفرت اور سو گوار ان کیلئے صبر جمیل کی دعا کی ہے۔