Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کچھ لوگ بندوق کے ذورپراپنی بنائی ہوئی شریعت ملک میں نافذ کرناچاہتے ہیں۔الطاف حسین


کچھ لوگ بندوق کے ذورپراپنی بنائی ہوئی شریعت ملک میں نافذ کرناچاہتے ہیں۔الطاف حسین
 Posted on: 1/26/2014
نبی کریمؐ نے تلوار کے ذورپر تبلیغ نہیں کی بلکہ حسن اخلاق سے لوگوں کے دل جیتے
جولوگ دھماکے کرکے بے گناہ لوگوں کاخون بہارہے ہیں ، فوجیوں، پولیس والوں اورمعصوم لوگوں کے گلے کاٹ رہے ہیں اللہ تعالیٰ یاتوان کی اصلاح فرمائے یاپھران پر اپنا عذاب عظیم نازل کر ے
اللہ تعالیٰ پاکستان کے نوجوانوں، بزرگوں، ماؤں ، بہنوں اوربچوں کو اتنی ہمت وطاقت ،حوصلہ اوراستطاعت عطافرمائے
کہ وہ معصوم انسانوں کو خون میں نہلانے والے دہشت گردوں سے مقابلہ کرسکیں
میں سب کویہی پیغام دوں گاکہ وہ اللہ اور اس کے پیارے نبیؐ کے فرمان پر غورکریں،نبی کریمؐ کی سیرت طیبہ اورتعلیمات پر
عمل کریں اورآپس میں نفرتوں اورکدورتوں کوختم کریں
ایم کیوایم کے زیراہتمام جناح گراؤنڈعزیزآبادمیں جشن عیدمیلادالنبیؐ کے سلسلے میں منعقدہ ’’ محفل ذکرمصطفےٰ ؐ ‘‘ سے خطاب


لندن۔۔۔ 26 جنوری 2014ء
متحدہ قومی موومنٹ کے قائدجناب الطاف حسین نے کہاہے کہ کچھ لوگ بندوق کے ذورپراپنی بنائی ہوئی شریعت ملک میں نافذ کرناچاہتے ہیں اوربندوق کے ذورپراپناعقیدہ تھوپناچاہتے ہیں جبکہ نبی کریمؐ نے تلوار کے ذورپر تبلیغ نہیں کی بلکہ حسن اخلاق سے لوگوں کے دل جیتے۔انہوں نے اللہ تعالیٰ سے دعاکی کہ جولوگ مساجد،امام بارگاہوں اور دیگرعبادت گاہوں میں بموں کے دھماکے کرکے معصوم وبے گناہ لوگوں کاخون بہارہے ہیں ، فوجیوں، پولیس والوں اورمعصوم لوگوں کے گلے کاٹ رہے ہیں اللہ تعالیٰ یاتوان کی اصلاح فرمائے یاپھران پر اپنا عذاب عظیم نازل کرکے انہیں ختم کردے۔انہوں نے یہ بات ہفتہ اوراتوارکی درمیانی شب ایم کیوایم کے زیراہتمام جناح گراؤنڈعزیزآبادمیں جشن عیدمیلادالنبیؐ کے سلسلے میں منعقدہ ’’ محفل ذکرمصطفےٰ ؐ ‘‘ سے خطاب کرتے ہوئے کہی۔ اجتماع سے مختلف مکاتب فکرسے تعلق رکھنے والے علمائے کرام نے بھی خطاب کیااورسرکاردوعالم ؐ کی سیرت طیبہ پر روشنی ڈالی جبکہ ملک کے ممتازومعروف ثناخوانوں نے گلہائے عقیدت پیش کئے ۔ اس موقع پر محفل سماع بھی ہوئی جس میں ملک کے ممتازقوالوں نے حمدونعت اورمنقبت پیش کیں ۔ جناب الطا ف حسین نے کہا کہ آج کی یہ محفل نبی آخرالزماں حضرت محمدمصطفےٰ ﷺ کے جشن ولادت کے سلسلے میں منعقد کی گئی ہے لہٰذامیں آج سب کویہی پیغام دوں گاکہ وہ اللہ اور اس کے پیارے نبیؐ کے فرمان پر غورکریں،نبی کریمؐ کی سیرت طیبہ اورتعلیمات پر عمل کریں، آپس میں نفرتوں اورکدورتوں کوختم کریں،ایک دوسرے سے پیار محبت سے پیش آئیں،کسی کے ساتھ زیادتی نہ کریں۔جناب الطاف حسین نے کہاکہ جس محبت سے محفل ذکرمصطفےٰ ؐ منعقد کی گئی اورحاظرین نے جس خشوع وخضوع کے ساتھ سیرت طیبہ ؐ پر بیان اورحمدونعتیں سماعت کیں اللہ تعالیٰ اس کے صدقے پاکستان پر اپنارحم وکرم فرمائے، پاکستان کی سرحدوں کی حفاظت فرمائے، پاکستان جس نازک ترین حالات اورمشکلات سے گزررہاہے ملک کواس سے باہر نکالے ۔ انہوں نے دعاکی کہ اللہ تعالیٰ دہشت گردوں کے ہاتھوں حالیہ بم دھماکوں اور خودکش حملوں میں شہیدہونے والے فوجیوں،پولیس اہلکاروں اورمعصوم شہریوں کوشہادت کادرجہ عطاکرے۔اللہ تعالیٰ پاکستان کے نوجوانوں، بزرگوں، ماؤں ، بہنوں اوربچوں کو اتنی ہمت وطاقت ،حوصلہ اوراستطاعت عطا فرمائے کہ وہ مساجد، امام بارگاہوں، مزاروں ، دیگر مذاہب کی عبادت گاہوں پر حملے کرکے معصوم انسانوں کو آگ اورخون میں نہلانے والے دہشت گردوں سے مقابلہ کرسکیں۔ انہوں نے دعاکی کہ اللہ تعالیٰ ایم کیوایم کے خلاف سازشیں کرنے والی قوتوں کی یاتو اصلاح کردے یاپھرانہیں نیست ونابود کردے ۔ انہوں نے دعاکی کہ اللہ تعالیٰ محفل ذکرمصطفےٰ ؐ کے حاظرین کی تمام جائزدلی مرادیں اور حاجتیں پوری فرما ،سب کی مشکلات دورفرما،شہیدوں کو اپنی جواررحمت میں جگہ دے، بیماروں کوصحت کاملہ عطا کرے ۔ جناب الطاف حسین نے محفل ذکرمصطفےٰ ؐ کے انعقاد پر رابطہ کمیٹی، علماء کمیٹی، تنظیمی کمیٹی اورتمام شعبہ جات کے ارکان کوخراج تحسین پیش کیا اور دعا کی کہ اللہ تعالیٰ انہیں اس کااجر عطا کرے۔ انہوں نے محفل ذکرمصطفےٰ ؐ کے خوبصورت اسٹیج کی تیاری میں حصہ لینے والے کارکنوں اورایم کیوایم ویب ٹی وی کے ذریعے اجتماع کی لائیوکوریج پر ویب ٹیم کو بھی زبردست خراج تحسین پیش کیا۔ انہوں نے اجتماع میں شرکت پر تمام مکاتب فکرکے علمائے کرام ،نعت خوانوں، قوالوں اور اینکرزکابھی خصوصی شکریہ ادا کیااوران کیلئے بھی دعاکی ۔ جناب الطاف حسین نے دعاکی کہ اللہ تعالیٰ نوجوانوں کو منشیات، چوری چکاری، نقل اوردیگر برائیوں اورگندے کاموں سے دوررکھے اورانہیں صراط مستقیم پر چلائے اورسب اچھا انسان بننے کی کوشش کریں۔ جناب الطاف حسین نے علمائے کرام کے خطابات اورنعتوں کے بعد محفل سماع میں تمام قوالوں کاکلام بھی سنا، انہیں دادوتحسین سے نوازااورمحفل سماع کے اختتام اورسلام کے بعد دعابھی کرائی۔ 
4/29/2025 11:29:40 AM