ایم کیوایم کے وفد نے لندن میں اے آر وائی گروپ کے چیئرمین حاجی عبد الرزاق کی عیادت کی

لندن۔۔۔18، جنوری2014ء

متحدہ قومی موومنٹ کے ایک وفد نے ہفتہ کی صبح لندن کے مقامی اسپتال میں اے آر وائی گروپ کے چیئرمین حاجی عبدالرزاق کی عیادت کی ۔ وفد میں رابطہ کمیٹی کے ڈپٹی کنوینر ندیم نصرت، اراکین رابطہ کمیٹی ڈاکٹر فاروق ستار، بابر غوری ، عادل صدیقی اور حق پرست رکن سندھ اسمبلی رؤف صدیقی شامل تھے ۔ وفد کے اراکین نے قائد تحریک جناب الطاف حسین کی جانب سے حاجی عبدالرزاق کی خیریت دریافت کی، گلدستہ پیش کیا اور ان کیلئے دعائے صحت کی۔ اس موقع پر حاجی عبدالرزاق کی صاحبزادی شبانہ بھی موجود تھیں جنہوں نے ایم کیوایم کے وفدکی آمد اور قائد تحریک الطاف حسین کی جانب سے حاجی عبدالرزاق کیلئے دعائے صحت کی اپیل پر اپنی اور اپنے اہل خانہ کی جانب سے شکریہ ادا کیا۔ واضح رہے کہ حاجی عبدالرزاق طویل عرصے سے علیل ہیں اورلندن کے مقامی اسپتال کے انتہائی نگہداشت میں زیرعلاج ہیں۔