ایم کیوایم ٹنڈو الہیار زون کے سابق یونٹ انچارج رئیس احمد خانزادہ اور نارتھ کراچی سیکٹر کے کارکن علیم الدین کے انتقال پر جناب الطاف حسین کا اظہار افسوس

لندن۔۔۔22، دسمبر2013ء 

متحدہ قومی موومنٹ کے قائد جناب الطاف حسین نے ایم کیوایم ٹنڈو الہ یار زون یونٹ 2-Aکے سابق یونٹ انچارج رائیس احمد خانزادہ اور ایم کیوایم نارتھ کراچی سیکٹر یونٹ 134کے کارکن علیم الدین کے انتقال پر گہرے دکھ اور افسوس کا اظہار کیا ہے۔ ایک تعزیتی بیان میں انہوں نے مرحومین کے تمام سوگوار لواحقین سے دلی تعزیت وہمدردی کا اظہار کرتے ہوئے انہیں صبر کی تلقین کی۔ انہوں نے مرحومین کے سوگوار لواحقین کو مخاطب کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)