لاہور میں مذہبی رہنماء مولانا شمس الرحمن کے بہیمانہ قتل پر جناب الطاف حسین کی شدید الفاظ میں مذمت

لندن ۔۔6دسمبر 2013ء

متحدہ قومی موومنٹ کے قائد جناب الطاف حسین نے لاہور میں مسلح دہشت گردوں کی فائرنگ سے مذہبی رہنما ء مولاناشمس الرحمن کے بہیمانہ قتل پر شدیدا لفاظ میں مذمت کی ہے اور واقعہ کو فراقہ وارانہ فسادات کرنے کی سازش قرار دیا ہے۔ اپنے ایک بیان میں جناب الطاف حسین نے کہا کہ مذہبی رہنماؤ کا تواتر کے ساتھ قتل ملک میں مذہبی فسادات کو نہ صرف ہوا دینا ہے بلکہ ملک کو بد امنی کی جانب لیجانے کی مذموم سازش ہے جس کی جتنی مذمت کی جائے کم ہے ۔جناب الطاف حسین نے حکومت سے مطالبہ کیا ہے مولانا شمس الحق کے قتل کی تحقیقات کی جائے اور واقعہ کا نوٹس لیتے ہوئے اس میں ملوث دہشت گرد عناصر کو فی الفور گرفتار کرکے قانون کے کٹہرے میں لایا جائے ۔ انہوں نے مولانا شمس الرحمن کے سوگوارلواحقین سے دلی تعزیت وہمدردی کا اظہار کرتے ہوئے ان کی مغغرت اور سوگوارن کیلئے صبر جمیل کی دعا بھی کی ۔