زندگی کے ہر شعبہ میں خصوصی افراد کو نمائندگی دینی چاہیے تاکہ وہ بھی ملک کی ترقی میں اپنا اہم کردار ادا کر سکے، الطاف حسین

کراچی۔۔۔4دسمبر2013ء

ایم کیوایم کے قائدجناب الطاف حسین نے کہاہے کہ زندگی کے ہر شعبہ میں خصوصی افراد کو نمائندگی دینی چاہیے تاکہ وہ بھی ملک کی ترقی میں اپنا اہم کردار ادا کر سکے ۔ یہ بات انہوں نے معذوروں کے عالمی دن کے مو قع پر لال قلعہ گراؤنڈ عزیز آباد میں منعقد ہ پروگرام کے شرکاء سے خطاب کر تے ہوئے کہی۔ اس مو قع پر تقریب میں موجود بینائی سے محروم شخص ڈاکٹر صابر مائیکل نے کہا کہ یہ آپ کا ہی خاصہ ہے کہ آپ جو کام کر تے ہیں وہ منفرد کرتے ہیں آج آپ نے جو بات چھیڑدی ہے اس کی گونج دور تلک جائے گی کیونکہ یہ کوئی عام شخص نہیں بلکہ ملک بھر کے مظلوموں کے قائد جناب الطاف حسین نے کہی ہے ۔ انہوں نے کہاکہ اسے پہلے حکومت وقت ضائع کردے آپ پہل کر تے ہوئے خصوصی افراد میں سے کسی ایک کو ایم کیوایم کے پینل سے اسمبلی میں نمائندگی دلانے کا اعلان کریں ۔ اس پر جناب الطاف حسین نے رابطہ کمیٹی کو ہدایت کی کہ آنے والے بلدیاتی انتخابات سمیت قومی و صو بائی اسمبلی کے نشستوں اور سینیٹ کے لئے خصوصی افراد کو میرٹ کی بنیاد پر ترجیح دے۔