ایم کیوایم کی رابطہ کمیٹی کے رکن ارشدحسین کی طبیعت میں بہتری، ایم کیوایم کے کنوینر مصطفےٰ عزیزآبادی، برطانیہ کے آرگنائزر سہیل خانزادہ، ایسٹ لندن کے یونٹ انچارج معین خان، شعبہ خواتین کی انچارج محترمہ یاسمین نوین نے اسپتال میں زیرعلاج ارشدحسین کی عیادت کی

لندن…11  مئی 2024ئ

ایم کیوایم کی رابطہ کمیٹی کے رکن ارشدحسین کا میاب بائی پاس آپریشن کے بعد ان کی طبیعت میںبہتری آرہی ہے۔ایم کیوایم کی رابطہ کمیٹی کے کنوینر مصطفےٰ عزیزآبادی،ایم کیوایم برطانیہ کے سینٹرل آرگنائزر سہیل خانزادہ، ایم کیوایم یوکے ایسٹ لندن کے یونٹ انچارج معین خان، شعبہ خواتین کی انچارج محترمہ یاسمین نوین نے بیزلڈن یونیورسٹی اسپتال (Basildon Universiy Hospital) میں زیرعلاج رابطہ کمیٹی کے ارشدحسین کی عیادت کی ۔ انہوں نے قائدتحریک جناب الطاف حسین ، تمام اراکین رابطہ کمیٹی اور تمام ذمہ داران وکارکنان کی جانب سے ارشدحسین کی خیریت دریافت کی اوران کی جلد اور مکمل صحتیابی کیلئے دعاکی ۔ انہوں نے ارشدحسین کو بتایاکہ تحریک کے کارکنان، مائیں ، بہنیں، شہیدولاپتہ اوراسیرساتھیوں کے اہل خانہ بھی آپ کی جلد اور مکمل صحتیابی کیلئے دعا گو ہیں ۔ ارشدحسین نے قائدتحریک جناب الطاف حسین اورتمام تحریکی ساتھیوں ، ماؤں بہنوں،شہیدولاپتہ اوراسیرساتھیوں کے اہل خانہ اور سب کا شکریہ اداکیا۔ 

٭٭٭٭٭