صحافی سیدہ نجم زہرا کو دی جانے والی دھمکیاں قابل مذمت ہیں ۔ رابطہ کمیٹی متحدہ قومی موومنٹ

صحافی سیدہ نجم زہرا کو دی جانے والی دھمکیاں قابل مذمت 

لندن… 27  نومبر2023ئ

 ایم کیوایم کی رابطہ کمیٹی نے صحافی اوریوٹیوبر سیدہ نجم زہرا کوقانون نافذ کرنے والے ادارے اور بہادرآبادٹولے کی جانب سے دھمکیاں دیے جانے کی شدیدمذمت کی ہے ۔انٹرنیشنل سیکریٹریٹ لندن سے جاری اپنے بیان میں رابطہ کمیٹی نے کہاکہ سیدہ نجم زہرانے آج اپنے وڈیولاگ میں تفصیل سے بتایاہے کہ کس طرح ان کے شوہر کو ہیڈکوارٹربلاکرانکے یوٹیوب چینل کوبندکرنے کاکہاگیا اور انہیں اور ان کے بچوں کونقصان پہنچانے کی دھمکیاں دی گئی ہیں جبکہ دوسری جانب کس طرح بہادرآباد ٹولے سے تعلق رکھنے والے افرادنے سیدہ نجم زہراکے گھرجاکرانہیں اور انہیں ان کے بچوںکوہراساں کیا۔ رابطہ کمیٹی نے کہاکہ سیدہ نجم زہرانے اپنے وڈیولاگ میں ان دھمکیوںاور ان کی زندگی اوران کے شوہراوربچوں کی جانوں کولاحق جن خطرات کازکرکیا ہے وہ باعث تشویش ہیں۔ رابطہ کمیٹی نے کہاکہ سیدہ نجم زہراکواس سے قبل بھی بہادرآباد ٹولے نے دھمکیاں دی تھیں۔ اوراب سیدہ نجم زہراکے شوہراوربچوں کونقصان پہنچانے کی کوششیںکی جارہی ہیں ۔اسی طرح دو صحافیوں علی سرور اور انیس منصوری کوبھی بہادرآبادٹولے کی جانب سے پہلے دھمکیاں دی گئی

 تھیں ۔پھرعلی سرور کو تین روز قبل گھرسے گرفتارکرکے غائب کردیاگیا جبکہ انیس منصوری کے گھرپر بھی چھاپہ ماراگیا اوران کے اہل خانہ کوبھی ہراساں کیاگیا۔رابطہ کمیٹی نے کہاکہ بہادرآباد ٹولہ عوام کی ہمدردیاں حاصل کرنے میں ناکامی پر اب کھلی کھلی غنڈہ گردیوں، دھمکیوں اور اس قدرکی شرمناک حرکتوںپر اتر آیاہے۔ رابطہ کمیٹی نے چیف جسٹس سپریم کورٹ جسٹس قاضی فائز عیسیٰ، آر می چیف جنرل عاصم منیر اورنگراں وزیراعلیٰ سندھ جسٹس مقبول باقر سے اپیل کی کہ اس صورتحال کافوری نوٹس لیاجائے ، سیدہ نجم زہرا اوران کے اہل خانہ کوتحفظ فراہم کیاجائے، علی سرورکورہاکیاجائے اورصحافیوںکودھمکیاں دینے کاسلسلہ بندکرایا جائے۔