حق پرست رکن سندھ اسمبلی اشفاق منگی نے حضرت لال شہباز قلندر کے مزار پر حاضری دی اور جناب الطاف حسین کی جانب سے چادر چڑھائی

سیہون ۔۔۔19، نومبر2013ء 

متحدہ قومی موومنٹ کے حق پرست رکن سندھ اسمبلی اشفاق منگی نے منگل کے روز سیہون شریف میں حضرت لال شہباز قلندر کے مزار پر حاضری دی اور قائد تحریک جناب الطاف حسین کی جانب سے چادر چڑھائی۔ اس موقع پر ایم کیوایم دادو زون کے انچارج و اراکین اور علاقائی ذمہ داران بھی ان کے ہمراہ تھے ۔ اشفاق منگی نے حضرت لال شہباز قلندر کے مزار پر فاتحہ خوانی کی اور بعدازاں ملک میں فرقہ وارانہ فسادات کی سازش کے خاتمے، تمام مسالک کے درمیان فرقہ وارانہ ہم آہنگی، بھائی چارے کے قیام، ملک سے دہشت گردی، ایم کیوایم کے خلاف سازشوں کے خاتمے، حق پرستا نہ جدوجہد کی کامیابی کے علاوہ قائد تحریک جناب الطاف حسین کی درازی عمر، صحت و تندرستی اور ناگہانی آفات سے بچاؤ کیلئے خصوصی دعا بھی کی۔