پاکستان مسلم لیگ(ن)سندھ کے جوائنٹ سیکریٹری ملک شاہنوازاعوان ، مغل برادری کے صدر شبیر مغل اور گجر برادری کے روح رواں مشرف گجر کی اپنے وفد کے ہمراہ رابطہ کمیٹی کے رکن حیدر عباس رضوی سے ملاقات

کراچی ۔۔۔9، نومبر2013ء 

پاکستان مسلم لیگ (ن) سندھ کے جوائنٹ سیکریٹری ملک شاہنواز اعوان ، مغل برادری کے صدر شبیر مغل اور گجر برادری کے روح رواں مشرف گجر نے ایک نمائندہ وفد کے ہمراہ گزشتہ روز خورشید بیگم سیکریٹریٹ عزیز آباد میں ایم کیوایم کی رابطہ کمیٹی کے رکن حیدر عباس رضوی اور حق پرست رکن سندھ اسمبلی رؤف صڈیقی سے ملاقات کی اور قائد تحریک جناب الطاف حسین کے فکرو فلسفہ اور نظریئے سے متاثر ہوکر اپنے ساتھیوں سمیت متحدہ قومی موومنٹ میں شمولیت کا اعلان کیا ۔ ایم کیوایم میں شمولیت کا اعلان کرنے والوں میں افضل مغل ، منیر آرائیں ، سعید میؤ ، ملک سہیل اعوان ، ملک شہباز اعوان ، ملک لیاقت اعوان ، نیک محمد اور چوہدری محمد اشرف آرائیں کے علاوہ دیگر بھی شامل ہیں ۔ ملاقات میں ملک شاہنوازاعوان نے گفتگو کرتے ہوئے کہاکہ ہم ایم کیوایم کی عملی جدوجہدسے بے حدمتاثرہیں اورسمجھتے ہیں کہ اگراس ملک کوبحران سے کوئی نکال سکتاہے وہ صرف اورصرف قائدتحریک الطاف حسین ہیں جوحق اورسچ کی بات کرتے ہیں۔انہوں نے کہاکہ ایم کیوایم واحدجماعت ہے جوغریبوں کے حقوق کیلئے عملی جدوجہدکررہی ہے اوریہی وجہ ہے کہ ہم ایم کیوایم میں شامل ہورہے تاکہ حق پرستی کی جدوجہدمیں بڑھ چڑھ کر حصہ لے سکیں۔اس موقع پررابطہ کمیٹی کے رکن حیدرعباس رضوی نے قائدتحریک الطاف حسین کی جانب سے ایم کیوایم میں شمولیت اختیارکرنے پرتمام اکابرین کاخیرمقدم کیااورانہیں مبارکباددی۔بعدازاں حیدرعباس رضوی اورعبدالرؤف صدیقی نے ملک شاہنوازاعوان ایم کیوایم میں شمولیت کرنے والے افراد کو قائدجناب الطاف حسین کی رہائشگاہ نائن زیرواورایم کیوایم کے مختلف ونگزوشعبہ جات کاتفصیلی دورہ کرایااورانہیں ایم کیوایم کے تنظیموں کاموں سے آگاہی فراہم کی۔