ايم ڪيو ايم جي طرفان طيب حسين حيدرآباد جا ميئر ۽ سهيل مشهدي ڊپٽي ميئر هوندا
جڏهن ته ميرپورخاص ميونسپل ڪميٽي جي چيئرمين جي لاءِ فاروق جميل دراني ۽ وائيس چيئرمين جي لاءِ فريد احمد اميدوار هوندا. ايم ڪيو ايم رابطا ڪميٽي
ڪراچي: 15 آگسٽ 2016
متحده قومي موومينٽ جي رابطا ڪميٽي حيدرآباد ۽ ميرپورخاص جي لاءِ ميئر، ڊپٽي ميئر، ميونسپل ڪميٽي جي چيئرمين ۽ وائيس چيئرمين جي اميدوارن جي نالن کي حتمي شڪل ڏيئي ڇڏي آهي. رابطا ڪميٽي جي فيصلي جي مطابق ايم ڪيو ايم جي طرفان طيب حسين حيدرآباد جا ميئر ۽ سهيل مشهدي ڊپٽي ميئر جا اميدوار هوندا. جڏهن ته ميرپورخاص ميونسپل ڪميٽي جي چيئرمين جي لاءِ فاروق جميل دراني ۽ وائيس چيئرمين جي لاءِ فريد احمد اميدوار هوندا. واضع رهي ته طيب حسين حيدرآباد کان قومي اسيمبلي جا ميمبر به رهي چڪا آهن ۽ هن وقت اهي ايم ڪيو ايم حيدرآباد زون جا فنانس سيڪريٽري آهن، جڏهن ته سهيل مشهدي جو شمار ايم ڪيو ايم جي سينيئر ڪارڪنن ۾ ٿئي ٿو ۽ اهي حيدرآباد کان صوبائي اسيمبلي جا ميمبر ۽ صوبائي وزير به رهي چڪا آهن ۽ هن وقت اهي ايم ڪيو ايم حيدرآباد زونل ڪميٽي جا ميمبر آهن. فاروق جميل دراني ايم ڪيو ايم ميرپورخاص جا سينيئر ڪارڪن ۽ هن وقت ميرپورخاص جي زونل ڪميٽي جا ميمبر آهن. جڏهن ته فريد احمد ميرپورخاص کان صوبائي اسيمبلي جا ميمبر ۽ زونل انچارج به رهي چڪا آهن ۽ هن وقت اهي ميرپورخاص زونل ڪميٽي جي ميمبر جي حيثيت سان تنظيمي ذميواريون انجام ڏيئي رهيا آهن. ان کان علاوه قائد تحريڪ جناب الطاف حسين حيدرآباد جي ميئر، ڊپٽي ميئر ۽ ميونسپل ڪميٽي جي چيئرمين ۽ وائيس چيئرمين جي اميدوارن جي نالن جي توثيق ڪري ڇڏي آهي.