ایم کیو ایم کے قائد جناب الطاف حسین کی رہائش گاہ نائن زیرو کو ریاستی دہشت گردوں کے ہاتھوں نذرآتش کئے جانے اور سابق رکن اسمبلی نثار پنہور کی غیر قانونی گرفتاری کے خلاف ایم کیو ایم آسٹریلیا کے زیر اہتمام پاکستانی قونصل خانہ میں مذمتی یادداشت پیش کی گئی
ایم کیو ایم کی رابطہ کمیٹی کے رکن حسان بٹ اور نیو ساتھ ویلز کے انچارج حمزہ برہان کی شرکت
سڈنی ۔۔۔ 20 ستمبر 2022یئ
ایم کیو ایم آسٹریلیا کے زیر اہتمام ایم کیوایم کے قائد جناب الطاف حسین کی رہائش گاہ کی ریاستی دہشت گردوں کے ہاتھوں آتشزدگی، سابق رکن اسمبلی نثار پنہور کی غیر قانونی گرفتاری اور ایم کیو ایم کے بیگناہ اور معصوم لاپتا کارکنوں کی ماورائے عدالت قتل کے خلاف پاکستانی قونصل خانہ میں مذمتی یادداشت پیش کی گئی۔
رکن رابطہ کمیٹی متحدہ قومی موومنٹ حسان بٹ بھائی نے ڈپٹی کونسل جنرل محمد شہریار کو یادداشت پیش کرتے ہوے احتجاج ریکارڈ کروایا اور یہ باور کیا کہ اس ظلم و بربریت اور لا قانونیت کے بعد آسٹریلیا سمیت دنیا میں مقیم مہاجر عوام میں شدید غم و غصہ پایا جاتا ہے جس پر ڈپٹی کونسل جنرل کی جانب سے یقین دہانی کرائی گئی کے وہ متعلقہ حکومتی اداروں کو آسٹریلیا میں مقیم مہاجروں اور الطاف حسین بھائی کے چاہنے والوں کے درد اور خدشات سے آگاہ کریں گے