جامعہ کراچی کے سمسٹرز سیل انچارج اور شعبہ نفسیات کے پروفیسر ڈاکٹر حیدر عباس رضوی کے انتقال پر الطاف حسین کااظہار افسوس
مرحوم ہمہ جہت صلاحیتوں کے مالک تھے ، الطاف حسین
لندن۔۔۔25، اکتوبر2013ء
متحدہ قومی موومنٹ کے قائد جناب الطاف حسین نے جامعہ کراچی کے سمسٹرز سیل انچارج ، شعبہ نفسیات کے پروفیسر اور مشہور ماہرِ نفسیات ڈاکٹر پروفیسر حیدر عباس رضوی کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں انہوں نے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ انہوں نے کہاکہ ڈاکٹر پروفیسر حیدر عباس رضوی مرحوم ہمہ جہت صلاحیتوں کے مالک تھے اور ان کی قابلیت کے ان کے طالب علم اور مریض ہمیشہ مداح رہیں گے ۔جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے ۔ (آمین )