کراچی ، حیدرآباد اورسندھ کے دیگرشہروںمیں ایم کیوایم کے کارکنوں،ہمدردوںاورسندھی بولنے والے سیاسی کارکنوں کی گرفتاریاںاورجبری گمشدگیاںقابل مذمت ہیں ۔ رابطہ کمیٹی ایم کیوایم

لندن  …  23  جون  2020ئ

متحدہ قومی موومنٹ کی رابطہ کمیٹی نے کراچی ، حیدرآباد اورسندھ کے دیگرشہروںمیں ایم کیوایم کے کارکنوںاور ہمدردوںکی گرفتاریوںاورجبری گمشدگیوں کی شدیدالفاظ میں مذمت کی ہے ۔ اپنے بیان میں رابطہ کمیٹی نے کہاکہ جب سے سندھ کے مستقل باشندوںنے متحد ہوکرجدوجہد کرنے کے عزم کا اظہار کیاہے اورآپس میں متحد ہوناشروع کیاہے، ایم کیوایم کے خلاف ریاستی آپریشن میں بہت تیزی آگئی ہے ،ایم کیوایم کے کارکونںاورہمدردوںکو گرفتارکیاجارہاہے، حتیٰ کہ وہ لوگ جو سوشل میڈیا پر حکومت اوراسٹیبلشمنٹ کے غلط اقدامات پر تنقید کررہے ہیں، گرفتاریوں، جبری گمشدگیوںاورلاپتہ افراد کے معاملے پر سوشل میڈیاپر آوازاٹھارہے ہیںان تک کو چن چن کرگرفتارکیاجارہاہے اورلاپتہ کیا جارہا ہے ۔ گزشتہ دوہفتوں کے دوران درجنوں بے گناہ نوجوانوں کوگھروںسے حراست میں لیکرغائب کیا جاچکاہے ، اب تک انہیں کسی بھی عدالت میں پیش نہیں کیاگیاہے، ان کے اہل خانہ پر بھی دباؤ ڈالا جارہاہے کہ وہ انصاف کے حصول کے لئے عدالتوں سے رجوع نہ کریں ،اس طرح انہیں ان کے اس بنیادی حق سے بھی محروم کیاجارہاہے ۔ رابطہ کمیٹی نے کہاکہ یہ سراسر ظلم ہے جس کی جتنی بھی مذمت کی جائے کم ہے ۔ رابطہ کمیٹی نے کہاکہ کراچی اورسندھ کے دیگرشہروں کی طرح اندرون سندھ کے شہروں اور قصبوں سے بھی سندھی بولنے والے قوم پرست سیاسی کارکنوںاورعام سندھی نوجوانوںکوگرفتارکرکے غائب کیاجارہاہے۔رابطہ کمیٹی نے کہاکہ اس طرح کی ظالمانہ کارروائیوںسے سندھ کے شہری اوردیہی علاقوں کے عوام میں محبت کے جذبات پیدانہیںہوں گے بلکہ اس سے مزیدنفرتیں ہی جنم لیںگی۔ رابطہ کمیٹی نے مطالبہ کیاکہ چھاپوں،گرفتاریوںاورجبری گمشدگیوں کاسلسلہ بند کیاجائے ، تمام گرفتارشدگان کوفی الفوررہاکیاجائے ۔ 

٭٭٭٭٭