ایم کیوایم کے شہیدکنوینرشہید انقلاب ڈاکٹرعمران فاروق کی آٹھویں برسی انتہائی عقیدت واحترام کے ساتھ منائی گئی

لندن۔۔۔16، ستمبر 2018ء

ایم کیوایم کے شہیدکنوینرشہید انقلاب ڈاکٹرعمران فاروق کی آٹھویں برسی انتہائی عقیدت واحترام کے ساتھ منائی گئی ۔اس موقع پر شہید کنوینرکوخراج عقیدت پیش کرنے کے لئے ایم کیوایم کے زیراہتمام قرآن خوانی اورفاتحہ خوانی کے اجتماعات منعقد کئے گئے اورشہید کوزبردست خراج عقیدت پیش کیاگیا۔ اس سلسلے میں لندن میں بھی ایم کیوایم کے انٹرنیشنل سیکریٹریٹ میں قرآن خوانی کااجتماع منعقدکیاگیاجس میں کارکنوں، ذمہ داروں نے بڑی تعدادنے شرکت کی ۔ برسی کے اس اجتماع میں ڈاکٹرعمران فاروق شہید کی بیوہ محترمہ شمائلہ عمران، صاحبزادوں عالیشان اوروجدان نے بھی خصوصی طورپرشرکت کی ۔ اجتماع میں ایم کیوایم کی رابطہ کمیٹی کے کنوینرڈاکٹر ندیم احسان، ڈپٹی کنوینرقاسم علی رضا، دیگراراکین رابطہ کمیٹی، ایم کیوایم یوکے کی آرگنائزنگ کمیٹی اور چیپٹرز کے انچارجزاورکمیٹیوں کے ارکان نے بھی شرکت کی ۔ اس موقع پر اراکین رابطہ کمیٹی او ردیگرشرکاء نے شمائلہ عمران اوران کے بچوں سے دلی تعزیت اورہمدردی کااظہارکیا۔ قرآن خوانی کے بعدشہید انقلاب کی روح کے ایصال ثواب کے لئے فاتحہ خوانی کی گئی اوردعاکی گئی کہ اللہ تعالیٰ ڈاکٹرعمران فاروق شہید کے درجات بلند کرے ۔ اس موقع پر شہیدوفاڈاکٹرحسن ظفر عارف، تحریک کے دیگر تمام شہیدوں کوبھی خراج عقیدت پیش کیاگیا ۔ اس موقع پر دعاکی گئی کہ اللہ تعالیٰ قائدتحریک الطاف حسین کو درازی عمر اور صحت وسلامتی عطاکرے، مہاجروں اورتمام مظلوموں کی غیب سے مددفرمائے اورتحریک کے شہیدوں کے لہو کے صدقے تحریک کوفتح وکامرانی سے ہمکنارفرمائے۔ علاوہ ازیں فاتحہ خوانی کے موقع پر سابق وزیراعظم میاں نوازشریف کی اہلیہ بیگم کلثوم نواز کے لئے بھی دعائے مغفرت کی گئی ۔

*****