براہ کرم۔۔۔۔۔۔۔۔۔ توجہ فرمائیں!
8، اگست1986ء کو ایم کیوایم نے نشترپارک کراچی میں تاریخی جلسہ عام منعقد کیاتھا اور اس جلسہ کی وڈیو کیسٹ ریلیز کی تھی۔ایم کیوایم کے خلاف فوجی آپریشن میں ایم کیوایم کاتمام تاریخی ریکارڈ ضبط کرلیاگیاتھا اور قائد تحریک جناب الطاف حسین کی بارباراپیلوں کے باوجود وڈیوکیسٹس اور فوٹوگرافس پر مشتمل یہ ریکارڈ ایم کیوایم کوواپس نہیں کیاگیا۔ایم کیوایم انٹرنیشنل سیکریٹریٹ لندن کو نشتر پارک میں ہونے والے ایم کیوایم کے پہلے تاریخی جلسہ عام کی وڈیو کیسٹ کی اشد ضرورت ہے ۔
تمام مہاجربزرگوں ، ماؤں ، بہنوں ،تحریکی ساتھیوں اورہمدرد مہاجروں سے مؤدبانہ درخواست، پرزور اپیل ہے کہ جس کسی کے بھی پاس 8، اگست1986ء کو نشترپارک کے جلسہ کی یہ وڈیو کیسٹ موجود ہے وہ انتہائی ارجنٹ اور ہنگامی بنیادوں پر یہ وڈیو کیسٹ براہ کرم لندن ارسال کریں۔
جن کے پاس یہ وڈیو کیسٹ موجود ہے اور اگر ان کا یوٹیوب پر اکاؤنٹ ہے تو وہ نشترپارک کے جلسہ کی وڈیو یوٹیوب پر اپ لوڈ کرکے اس کا لنک ای میل کے ذریعہ یا سیکریٹریٹ کے واٹس ایپ ، رابطہ کمیٹی کے کسی رکن کے واٹس ایپ نمبر پرارسال کردیں۔
لندن سیکریٹریٹ کا ای میل ایڈریس اورواٹس ایپ نمبر درج ذیل ہے:
لندن سیکریٹریٹ کا واٹس ایپ نمبر
0044 7399 367438 ہے
اس کے علاوہ جس کے پاس نشترپارک میں ایم کیوایم کے پہلے جلسہ کی وڈیو کیسٹ موجود ہے وہ اس جلسہ عام کی وڈیو اپنے ٹیلی ویژن پر چلاکر اپنے موبائل کیمرے سے 10، 10 منٹ کی وڈیو کلپ بناکر پارٹ ون، پارٹ ٹو، پارٹ تھری، پارٹ فور اسی طرح جتنے بھی پارٹ بنیں بناکر واٹس ایپ کے ذریعہ بھیج دیں ۔ ایم کیوایم ایسے مہاجربزرگوں ، ماؤں ، بہنوں اور نوجوانوں کا احسان ہمیشہ یاد رکھے گی ۔
بہت بہت شکریہ
رابطہ کمیٹی
متحدہ قومی موومنٹ
انٹرنیشنل سیکریٹریٹ لندن
10، اگست 2018ء