قائدتحریک الطاف حسین نے ہمیشہ مارٹن کوارٹرزاوراس سے متصل علاقوں کے مکینوں کومالکانہ حقوق دینے کیلئے آوازاٹھائی۔ندیم احسان

لندن ۔۔۔ 17 جولائی 2018ء

متحدہ قومی موومنٹ کی رابطہ کمیٹی کے کنوینرڈاکٹرندیم احسان نے حکومت پاکستان کے اسٹیٹ ڈپارٹمنٹ کی جانب سے کراچی کے علاقوں مارٹن کوارٹرز، کلیٹن کوارٹرز، جہانگیرروڈ، ایف سی ایریااوردیگرعلاقوں کے مکینوں کوان کے گھروں سے بیدخل کرنے کے احکامات کی شدیدمذمت کی ہے اورمطالبہ کیاہے کہ ان علاقوں کے مکینوں کوبیدخل کرنے کا فیصلہ فی الفورواپس لیاجائے ۔اپنے بیان میں ڈاکٹرندیم احسان نے کہاکہ مارٹن کوارٹرز، کلیٹن کوارٹرز، جہانگیرایسٹ، جہانگیر ویسٹ،جیل کوارٹرز، آفیسرکوارٹرز اور ایف سی ایریا میںآباد مکینوں نے برسوں پاکستان کی خدمت کی۔ قائدتحریک الطاف حسین اورایم کیوایم کی قیادت نے ہمیشہ مارٹن کوارٹرزاوراس سے متصل علاقوں کے مکینوں کومالکانہ حقوق دینے کیلئے آوازاٹھائی ، ایم کیوایم کی کوششوں سے ہی ماضی میں وفاقی حکومت مارٹن کوارٹرز، کلیٹن کوارٹرزاوردیگرعلاقوں کے مکینوں کومالکانہ حقوق دینے کااعلان کرچکی ہے اوراس بات کاواضح اعلان کیاجاچکاہے کہ ان علاقوں کے مکینوں کوانکے گھروں سے بیدخل نہیں کیاجائے گالیکن سپریم کورٹ کے ایک حکم کی آڑ میں ان علاقوں کے مکینوں کو ان کے گھر خالی کرنے کانوٹس دیدیاگیا ہے ، اس طرح وہ ہزاروں سرکاری ملازمین جنہوں نے برسوں ملک کی خدمت کی انہیں ان مکانات کے مالکانہ حقوق دینے کے بجائے اب ان سے ان کی چھت چھینی جارہی ہے جوسراسرظلم ہے ۔ ڈاکٹرندیم احسان نے مارٹن کوارٹرز، کلیٹن کوارٹرز، جہانگیرایسٹ، جہانگیر ویسٹ،جیل کوارٹرز، آفیسرکوارٹرز اور ایف سی ایریا کے مکینوں سے مکمل ہمدردی اوریکجہتی کااظہارکرتے ہوئے حکومت سے مطالبہ کیاکہ ان علاقوں کے مکینوں کوبیدخل کرنے کے احکامات فی الفور واپس لئے جائیں

*****