ایم کیوایم کے حق پرست اراکین قومی اسمبلی نے ملک بھر میں مہنگی بجلی کرنے کے نئے ٹیرف کو مسترد کردیا

کراچی۔۔۔۔12اکتوبر2013ء

حق پرست اراکین قومی اسمبلی نے ملک بھرمیں بجلی کے نئے ٹیرف کومستردکرتے ہوئے اسے غریب عوام پرظلم قراردیاہے اورکہا ہے کہ وفاقی حکومت کی جانب سے 30 ستمبرکے ٹیرف میں معمولی ردبدل کے بعدبجلی قیمتوں کانیا ٹیرف غریب عوام سے سنگین مذاق ہے۔ایک بیان میں انہوں نے کہا کہ ملک میں ہوشرباء مہنگائی سے پہلے ہی غریب عوام تنگ آئے ہوئے ہیں اورکسمپرسی اورفاقہ کشی کی انتہائی قرب ناک زندگی گذارنے پرمجبورہیں ایسے حالات میں حکومت کی جانب سے گھریلو صارفین کیلئے بجلی کے نرخوں میں کیے جانیوالے اضافے سے ملک میں مزیدکئی گناہ مہنگائی بڑھ جائیگی جس کااضافی بوجھ بھی براہ راست غریب عوام پر پڑے گا۔ انہوں نے کہا کہ عالمی اداروں کی ایماء پرپیٹرولیم مصنوعات اورگیس کی قیمتوں اضافہ کے بعدبجلی کے نرخوں میں غیرمعمولی اضافہ غریب عوام پرسراسرظلم و ستم ہے جسے غریب عوام کسی صورت قبول نہیں کرینگے۔انہوں نے مزیدکہاکہ پیٹرولیم مصنوعات،گیس اوربجلی کے نرخوں میں اضافے اقدامات کھلی عوامی دشمنی ہے جس کی جتنی بھی مذمت کی جائے کم ہے۔ انہوں نے کہاکہ ہونایہ چاہئے تھاکہ حکمراں کشکول توڑنے اور ملک سے دہشت گردی، بے روزگاری اور غربت سمیت توانائی کے بحران خاتمے کے عملی اقدامات کرکے اپنے دعوؤں کاپاس رکھتے ہوئے عوام پرزیادہ سے زیادہ ریلف فراہم کرتے اورملک کوترقی کی راہ پر گامزان کرتے۔انہوں نے کہاکہ ایم کیوایم عوام دشمن اقدامات کے خلاف ملک کے ایوانوں میں صدائے احتجاج بلندکریگی اورپرامن طریقے سے اپنااحتجاج ریکارڈکرائے گی ۔حق پرست اراکین قومی نے مطالبہ کیا کہ بجلی کے نرخوں میں اضافے کانوٹی فیکیشن فی الفورواپس لیاجائے اورعوام کوریلف فراہم کیاجائے۔