ایم کیوایم لیبرڈویژن کے 31ویں یوم تاسیس پر لیبرڈویژن کے تمام کارکنوں اورمحنت کشوں کومبارکباد میں نے محنت کشوں اور ملازمین کے حقوق کیلئے 1987ء میں ایم کیوایم لیبرڈویژن قائم کی تھی۔الطاف حسین

لندن ۔۔۔27، فروری2018ء

متحدہ قومی موومنٹ کے قائدجناب الطاف حسین نے ایم کیوایم لیبرڈویژن کے 31ویں یوم تاسیس پر لیبرڈویژن کے تمام کارکنوں اورمحنت کشوں کومبارکباد پیش کی ہے ۔ اپنے ایک بیان میں جناب الطاف حسین نے کہاکہ انہوں نے ایم کیوایم کے قیام کے بعد محنت کشوں اورمختلف صنعتی وتجارتی اداروں اورمحکموں کے ملازمین کے حقوق کے لئے 1987ء میں ایم کیوایم لیبرڈویژن قائم کی تھی جس نے محنت کشوں کے حقوق کے لئے بے مثال جدوجہد کی جس کی وجہ سے کئی اداروں میں ایم کیوایم لیبرڈویژن کی حمایت یافتہ سی بی اے منتخب ہوئیں۔ ایم کیوایم کے خلاف 1992ء کے ریاستی آپریشن میں ایم کیوایم لیبرڈویژن نے جوکرداراداکیاوہ مثالی ہے ۔ہردورمیں لیبرڈویژن کے کارکنوں نے تمام ترمظالم اورآزمائشوں میں ثابت قدمی اورمستقل مزاجی سے کام لیااورتحریک سے اپنی وفاکونبھایا، آج اس آزمائش کے دورمیں بھی لیبرڈویژن کے جوذمہ داران وکارکنان اپنی وفاکونبھارہے ہیں وہ میری جان ہیں اورمجھے اپنے وفاشعار کارکنوں پر ناز ہے ۔ جناب الطاف حسین نے کہاکہ میں لیبرڈویژن کے 31ویں یوم تاسیس پر لیبرڈویژن کے تما م ذمہ داروں اورکارکنوں کو مبارکباد پیش کرتاہوں اوران سے کہتاہوں کہ وہ اپنے عزم وحوصلوں کوجواں رکھیں اورثابت قدمی سے اپنی جدوجہدجاری رکھیں اوریہ یقین رکھیں کہ ظلم وجبر کی یہ رات جلد ختم ہوگی اورہم ایک بارپھرکھل کرلیبرڈویژن کایوم تاسیس منائیں گے۔ جناب الطاف حسین نے تحریکی جہدوجہدمیں اپنی جانوں کانذرانہ پیش کرنے والے لیبرڈویژن کے شہیدکارکنوں کوخراج عقیدت پیش کیااوران کے لئے دعائے مغفر ت کی ۔