متحدہ قومی موومنٹ کے قائد الطاف حسین کا تمام مسیحی برادری کوکرسمس کی دلی مبارکباد

متحدہ قومی موومنٹ کے قائدجناب الطاف حسین نے تمام مسیحی برادری کوکرسمس کی دلی مبارکبادپیش کی ہے ۔ اپنے ایک بیان میں جناب الطاف حسین نے مسیحی برادری سے تعلق رکھنے والے ماؤں، بہنوں، بزرگوں،نوجوانوں اوربچوں کومبارکباد پیش کی اوران سے کہاکہ وہ کرسمس کے موقع پر اپنی عبادات میں پاکستان سمیت دنیابھرمیں امن واستحکام ،خوشحالی اورجنگوں سے متاثرہ انسانوں کی بحالی اورمشکلات کے خاتمہ کے لئے دعاکریں۔ جناب الطاف حسین نے کہاکہ آج دنیاکوحضرت عیسیٰ کے پیغام امن ومحبت کی ضرورت ہے ، اسی پیغام کوعام کرکے ہی دنیاکوامن واستحکام کی جانب لے جایاجاسکتاہے۔ 

*****