ایم کیوایم کے رہنما اور قومی اسمبلی میں پارٹی کے پارلیمانی لیڈر ڈاکٹر فاروق ستار کی وزیر اعلیٰ بلوچستان ڈاکٹر عبد المالک سے فون پر گفتگو
بلوچستان کے مختلف علاقوں میں آنے والے زلزلے سے جانی و مالی نقصانات پر دلی افسوس کا اظہار
قائد تحریک الطاف حسین، ایم کیوایم کی پوری قیادت اور کارکنان دکھ کی اس گھڑی میں بلوچستان میں زلزلہ سے متاثرہ عوام کے ساتھ ہیں۔ ڈاکٹر فاروق ستار
خدمت خلق فاؤنڈیشن نے قائد تحریک الطاف حسین کی ہدایت پر زلزلے متاثرین کیلئے امدادی سامان بھیجنے کی تیاریاں شروع کردی ہیں، بلوچستان کے متاثرہ بھائیوں کی ہر ممکن امداد کرینگے۔ ڈاکٹر فاروق ستار
زلزلے کے متاثرین کی امداد اور مصیبت زدہ عوام کی امداد کیلئے ایم کیوایم کی قیادت نے جس قومی جذبہ کا اظہار کیا ہے اور قابل تحسین ہے۔ ڈاکٹر عبد المالک
لندن۔۔۔24، ستمبر2013ء
متحدہ قومی موومنٹ کے رہنمااورقومی اسمبلی میں پارٹی کے پارلیمانی لیڈرڈاکٹرفاروق ستارنے وزیراعلیٰ بلوچستان ڈاکٹر عبدالمالک سے فون پر گفتگوکی اور ان سے آج بلوچستان کے مختلف علاقوں میں آنے والے زلزلے سے جانی ومالی نقصانات پر دلی افسوس کا اظہار کیا ۔ ڈاکٹرفاروق ستار نے وزیراعلیٰ بلوچستان سے گفتگوکرتے ہوئے کہاکہ بلوچستان میں آنے والے قیامت خیززلزلے پر قائد تحریک الطاف حسین، ایم کیوایم کی پوری قیادت اورکارکنان دکھ کی اس گھڑی میں بلوچستان میں زلزلہ سے متاثرہ عوام کے ساتھ ہیں ۔ انہوں نے وزیراعلیٰ بلوچستان کوبتایاکہ ایم کیوایم کے فلاحی ادارے خدمت خلق فاؤنڈیشن نے قائدتحریک الطاف حسین کی ہدایت پر زلزلے متاثرین کیلئے امدادی سامان بھیجنے کی تیاریاں شروع کردی ہیں اوربلوچستان کے متاثرہ بھائیوں کی ہرممکن امدادکریں گے۔ وزیراعلیٰ بلوچستان ڈاکٹر عبدالمالک نے ڈاکٹرفاروق ستارسے گفتگوکرتے ہوئے کہاکہ بلوچستان میں آنے والے زلزلے کے متاثرین کی امداد اور مصیبت زدہ عوام کی امداد کیلئے ایم کیوایم کی قیادت نے جس قومی جذبہ کااظہارکیاہے اورقابل تحسین ہے اور بلوچستان کے عوام اس پرایم کیوایم کے قائدالطاف حسین اورایم کیوایم کی قیادت کے شکرگزارہیں۔