مخدوم جاویدہاشمی کے بیان کردہ انکشافات کی مکمل تحقیقات کیلئے اعلیٰ سطحی کمیشن قائم
کیاجائے ۔ ندیم نصرت،کنوینرمتحدہ قومی موومنٹ
عمران خان نے دھرنے کی آڑمیں منتخب حکومت کاتختہ الٹنے اورجمہوری نظام کوختم کرنے کی سازش کی تھی
اب اس سازش کی تفصیلات بھی سامنے آرہی ہیں جوانتہائی سنگین ہیں، ندیم نصرت
ان حقائق کے سامنے سے عمران خان کااصل چہرہ اورگھناؤنے عزائم سامنے آگئے ہیں۔ ندیم نصرت
عمران خان چوردروازے سے غیرجمہوری قوتوں کی آشیربادسے ملک میں اقتدارپرقبضہ کرناچاہتے ہیں۔ ندیم نصرت
متحدہ قومی موومنٹ کی رابطہ کمیٹی کے کنوینرندیم نصرت نے کہاہے کہ سینئرسیاستداں مخدوم جاویدہاشمی کے بیان کردہ انکشافات انتہائی سنگین ہیں لہٰذا اب ضرورت اس بات کی ہے کہ ان انکشافات کی مکمل تحقیقات کرائی جائے اورتحقیقات کے لئے کوئی اعلیٰ سطحی کمیشن قائم کیاجائے ۔ اپنے بیان میں ندیم نصرت نے کہاکہ اب اس حقیقت میں کوئی شک نہیں ہے کہ عمران خان نے دھرنے کی آڑمیں بعض طاقتورعناصرکے ساتھ ملکر ملک میں منتخب حکومت کاتختہ الٹنے اورجمہوری نظام کوختم کرنے کی سازش کی تھی ، اب یہ سازش اوراس کی تفصیلات بھی سامنے آرہی ہیں جوانتہائی سنگین ہیں،ان حقائق کے سامنے سے عمران خان کااصل چہرہ اورگھناؤنے عزائم سامنے آگئے ہیں کہ وہ چوردروازے سے غیرجمہوری قوتوں کی آشیربادسے ملک میں اقتدارپرقبضہ کرناچاہتے ہیں اور کوئی بھی جمہوریت پسند ایسے گھناؤنے عزائم کی حمایت نہیں کرسکتا۔
*****