Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پیپلزپارٹی کے دورحکومت میں سندھ کی جیلیں سیاسی قیدیوں سے بھری ہوئی ہیں، الطاف حسین


پیپلزپارٹی کے دورحکومت میں سندھ کی جیلیں سیاسی قیدیوں سے بھری ہوئی ہیں، الطاف حسین
 Posted on: 12/13/2016
پیپلزپارٹی کے دورحکومت میں سندھ کی جیلیں سیاسی قیدیوں سے بھری ہوئی ہیں، الطاف حسین
پیپلزپارٹی کے رہنما کھوکھلا دعویٰ کررہے ہیں کہ سندھ کی جیلوں میں کوئی سیاسی قیدی نہیں ہے، الطاف حسین
کیا ڈاکٹرحسن ظفرعارف،مومن خان مومن، کنورخالدیونس، امجداللہ خان اور سینکڑوں کارکنان کیا سیاسی قیدی نہیں ؟الطاف حسین
پروفیسر ڈاکٹرحسن ظفرعارف بے نظیربھٹو کے بیانات لکھا کرتے تھے لیکن پیپلزپارٹی انہیں بھی سیاسی انتقام کانشانہ بناڈالا، الطاف حسین
پیپلزپارٹی کی حکومت نے سیاسی کارکنوں کوکال کوٹھری میں ڈال کرجمہوریت کی نفی کی ہے، الطاف حسین
پیپلزپارٹی نے اقتدار کی خاطر ذوالفقارعلی بھٹو، میرشاہنواز بھٹو، میرمرتضیٰ بھٹو اور بے نظیربھٹو کے لہو کا سودا کیا، الطاف حسین
جاگیرداروں نے اقتدارحاصل کرکے سندھ کے غریب ہاریوں اورکسانوں کی فلاح وبہبود کے بجائے اپنے محلات بنائے، الطاف حسین
ہم ملک سے فرسودہ جاگیردارانہ نظام کا خاتمہ کرکے غریب ومتوسط طبقہ کی حکمرانی قائم کرنا چاہتے ہیں، الطاف حسین
سندھ کے غریب ہاریوں ،کسانوں اورمزدوروں کو پیپلزپارٹی کے وڈیروں کے مظالم سے نجات دلاکر دم لیں گے، الطاف حسین
کراچی ، حیدرآباد، میرپورخاص اور سندھ کے دیگر شہروں میں یوم شہداء کے موقع پر ہمت وجرات کامظاہرہ کرنے
والے بزرگوں ، ماؤں ، بہنوں اور نوجوانوں کو سلام تحسین پیش کرتا ہوں، الطاف حسین
مہاجرنوجوانوں کی قربانیاں ہرگز رائیگاں نہیں جائیں گی اور انشاء اللہ فتح حق پرستوں کا مقدرثابت ہوگی
جوہانسبرگ میں ایم کیوایم ساؤتھ افریقہ کے تحت یوم شہداء کے اجتماع کے شرکاء سے ٹیلی فون پر خطاب 

متحدہ قومی موومنٹ کے قائد جناب الطاف حسین نے ایم کیوایم کے کارکنان وہمدرد عوام پر پیپلزپارٹی کی صوبائی حکومت کے مظالم کی شدیدالفاظ میں مذمت کرتے ہوئے کہاہے کہ نام نہاد جمہوریت پسندپیپلزپارٹی کے دورحکومت میں سندھ کی جیلیں سیاسی قیدیوں سے بھری ہوئی ہیں۔ ان خیالات کا اظہار انہوں نے جوہانسبرگ میں ایم کیوایم ساؤتھ افریقہ یونٹ کے زیراہتمام یوم شہداء کے اجتماع کے شرکاء سے ٹیلی فون پر خطاب کرتے ہوئے کیا۔ اجتماع میں ساؤتھ افریقہ کے مختلف شہروں سے تعلق رکھنے والے ذمہ داران اورکارکنان نے بڑی تعداد میں شرکت کی ۔ اپنے خطاب میں جناب الطاف حسین نے حق پرست شہداء کو زبردست خراج عقیدت پیش کرتے ہوئے کہاکہ گزشتہ روز کراچی ، حیدرآباد، میرپورخاص، نواب شاہ اور سندھ کے دیگر شہروں میں حق پرست شہداء کے ایصال ثواب کیلئے قرآن خوانی وفاتحہ خوانی کے اجتماعات منعقد ہوئے ، کراچی اور حیدرآبادمیں ماؤں ، بہنوں ، بزرگوں اورنوجوانوں کو سرکاری اہلکاروں نے تشدد کا نشانہ بنایا، ان پر شیلنگ اورہوائی فائرنگ کی گئی ، درجنوں کارکنوں کو گرفتارکرکے جھوٹے مقدمات میں ملوث کیاگیا لیکن کارکنان وعوام نے ہمت وجرات کامظاہرہ کیا اورسرکاری اہلکاروں کے ظلم وستم کے باوجود ڈٹے رہے ۔ ایسے پرعزم ساتھیوں، بہادر ماؤں ، بہنوں اوربیٹیوں کو میں سلام تحسین پیش کرتا ہوں۔ 
جناب الطاف حسین نے کہاکہ پیپلزپارٹی خود کو جمہوریت پسند جماعت قراردیتی ہے اور اس کے رہنما ؤں کی جانب سے یہ کھوکھلا دعویٰ کیاجارہا ہے کہ سندھ کی جیلوں میں کوئی سیاسی قیدی نہیں ہے ۔ انہوں نے کہاکہ صوبہ سندھ میں پیپلزپارٹی کی حکومت دورحکومت میں 75 سالہ بزرگ دانشور، محقق ، تاریخ داں اور جامعہ کراچی کے ریٹائرڈ پروفیسر ڈاکٹر حسن ظفرعارف، سینئر سیاسی رہنما مومن خان مومن، معروف کاروباری شخصیت امجداللہ خان، سینئر سیاستداں کنورخالد یونس اورخواتین سمیت ایم کیوایم کے ہزاروں کارکنوں کو گرفتارکیاگیا، سینئرسیاستداں ساتھی اسحاق ایڈووکیٹ کی گرفتاری کیلئے ان کی رہائش گاہ پر چھاپہ مارا گیا جبکہ سینکڑوں کارکنان آج بھی مختلف جیلوں میں اسیرہیں ۔کھوکھلے دعوے کرنے والے پیپلزپارٹی کے رہنما عوام کو جواب دیں کہ پروفیسر ڈاکٹرحسن ظفرعارف،مومن خان مومن، کنورخالدیونس، امجداللہ خان اور ایم کیوایم کے سینکڑوں کارکنان کیا سیاسی قیدی نہیں ہیں؟ انہوں نے کہاکہ جب بے نظیربھٹو وزیراعظم نہیں بنی تھیں تو اس وقت ریٹائرڈ پروفیسر ڈاکٹرحسن ظفرعارف ہی ان کے بیانات لکھا کرتے تھے لیکن پیپلزپارٹی کی حکومت نے انہیں بھی سیاسی انتقام کانشانہ بناڈالا۔
جناب الطاف حسین نے کہاکہ پیپلزپارٹی کی حکومت نے سیاسی کارکنوں کوکال کوٹھری میں ڈال کرجمہوریت کی نفی کی ہے اورمحض اقتدار کی خاطر ذوالفقارعلی بھٹو، میرشاہنواز بھٹو، میرمرتضیٰ بھٹو اور بے نظیربھٹو کے لہو کا سودا کیا ہے ، پیپلزپارٹی کے وڈیروں اورجاگیرداروں نے اقتدارحاصل کرکے سندھ کے غریب ہاریوں ،کسانوں اورمزدوروں کی فلاح وبہبود کے بجائے اپنے محلات بنائے اور ذاتی مفادات حاصل کیے ۔ جناب الطاف حسین نے کہاکہ ایم کیوایم ، ملک بھرکے مظلوم عوام کے جائز حقوق کی جدوجہد کررہی ہے ، ہم ملک سے فرسودہ جاگیردارانہ نظام کا خاتمہ کرکے غریب ومتوسط طبقہ کی حکمرانی قائم کرنا چاہتے ہیں اور انشاء اللہ سندھ کے غریب ہاریوں ،کسانوں اورمزدوروں کو پیپلزپارٹی کے جاگیرداروں اوروڈیروں کے مظالم سے نجات دلاکر دم لیں گے ۔جناب الطاف حسین نے کہاکہ حق پرستی کی جدوجہد میں قوم نے بہت قربانیاں دی ہیں ، ایم کیوایم کے ہزاروں کارکنوں نے اپنی جانوں کے نذرانے پیش کیے ، ہزاروں کارکنان نے قیدوبند کی صعوبتیں برداشت کیں ، ہزاروں کارکنان جلاوطنی کی کربناک زندگی گزارنے پر مجبور ہیں اور آج بھی ایم کیوایم کے 135 سے زائد کارکنان لاپتہ ہیں ۔ مہاجرنوجوانوں کی قربانیاں ہرگز رائیگاں نہیں جائیں گی اور انشاء اللہ فتح حق پرستوں کا مقدرثابت ہوگی۔جناب الطاف حسین نے ساؤتھ افریقہ میں یوم شہداء منانے اور دوردراز شہروں سے یوم شہداء کے اجتماع میں شرکت کرنے والے ساؤتھ افریقہ یونٹ کے کارکنان کو خراج تحسین پیش کیا۔
*****
7/19/2024 12:16:52 AM