ایم کیوایم کے شہید کنوینرڈاکٹرعمران فاروق کے قتل کے الزام میں گرفتارنوجوان محسن کے اعترافی بیان میں
قائدتحریک الطاف حسین پر لگائے گئے الزامات سراسرجھوٹ پرمبنی ہیں۔ترجمان متحدہ قومی موومنٹ
اسکاٹ لینڈیارڈ نے قائدتحریک الطاف حسین یاایم کیوایم کے کسی رہنماپرڈاکٹرعمران فاروق کے قتل کاالزام عائد نہیں کیا
قائدتحریک الطاف حسین اورایم کیوایم کی قیادت کاڈاکٹرعمران فاروق کے قتل سے کوئی تعلق نہیں ہے۔ترجمان متحدہ قومی موومنٹ
یہ سب کچھ ایک سازش اورسیاسی مقاصد کے تحت کیاجارہاہے جس کامقصد قائدتحریک الطاف حسین اورایم کیوایم کوبدنام کرناہے ۔ترجمان
لندن ۔۔ 11نومبر2016ء
متحدہ قومی موومنٹ کے ترجمان نے ایم کیوایم کے شہید کنوینرڈاکٹرعمران فاروق کے قتل کے الزام میں گرفتارنوجوان محسن کے اعترافی بیان میں قائدتحریک جناب الطاف حسین پر لگائے گئے الزامات کو یکسرمسترد کردیا ہے اوراسے سراسرجھوٹ قرار دیاہے۔اپنے بیان میں ترجما ن نے کہاکہ اسکاٹ لینڈیارڈاس کیس کی پانچ سال سے زیادہ عرصہ سے تحقیقات کررہی ہے اوراس نے قائدتحریک الطاف حسین یاایم کیوایم کے کسی رہنماپرڈاکٹرعمران فاروق کے قتل کا الزام عائد نہیں کیالیکن لندن میں ہونے والے قتل کے اس واقعہ پرپاکستان میں جس طرح مقدمہ قائم کیاگیاہے اوراس حوالے سے سرکاری حراست میں لئے گئے بیانات میں قائدتحریک الطاف حسین اور ایم کیوایم کے دیگرقائدین کوجس طرح اس قتل میں ملوث کیاجارہاہے اورمن گھڑت کہانیاں پیش کی جارہی ہیں اس سے صاف ظاہرہے کہ یہ سب کچھ ایک سازش اورسیاسی مقاصد کے تحت کیاجارہاہے جس کامقصد قائدتحریک الطاف حسین اورایم کیوایم کوبدنام کرنا ہے ۔ ترجمان نے واضح الفاظ میں کہاکہ قائدتحریک الطاف حسین اورایم کیوایم کی قیادت کاڈاکٹرعمران فاروق کے قتل سے کوئی تعلق نہیں ہے اوراس حوالے سے لگائے گئے تمام الزامات سراسر جھوٹ پرمبنی ہیں۔
*****