ایم کیوایم کے زیراہتمام فخر انسانیت عبد الستار ایدھی مرحوم کو خراج عقیدت پیش کرنے کیلئے آج شام بعد نماز مغرب جناح گراؤنڈ عزیز آباد میں شمعیں روشن کرنے کی تقریب منعقد ہوگی

کراچی ۔۔۔ 13، جولائی 2016ء 

متحدہ قومی موومنٹ کی رابطہ کمیٹی نے فخرانسانیت عبد الستار ایدھی مرحوم کو خراج عقیدت و سلام تحسین پیش کرنے کیلئے ایم کیوایم کے تحت 14جولائی 2016ء کو جناح گراؤنڈ عزیز آباد میں بعد نماز مغرب شمعیں روشن کرنے کی تقریب منعقد کرنے کا اعلان کیا ہے ۔ یہ اعلان ایم کیوایم کی رابطہ کمیٹی کے ڈپٹی کنوینر شاہد پاشا نے بدھ کے روز خورشید بیگم سیکریٹریٹ عزیز آباد میں پریس کانفرنس سے خطاب کرتے ہوئے کیا ۔ شاہدپاشا نے کہاکہ عبد الستار ایدھی مرحوم کی دکھی انسانیت کیلئے خدمات دنیا بھر میں مثالی ہیں اور ان کی خدمات کو جس قدر خراج عقیدت پیش کیاجائے کم ہے ۔ انہوں نے انسانی خدمت میں مصروف اداروں کی سرکردہ شخصیات ، فنکاروں،ادبیوں، دانشواروں، صحافیوں، زندگی کے دیگر شعبہ سے تعلق رکھنے والے افراد سے اپیل کی کہ وہ جناح گراؤنڈ میں عبد الستار ایدھی مرحوم کی یاد میں شمعیں روشن کرنے کی تقریب میں زیادہ سے زیادہ شریک ہوں ۔