حق پرست رکن قومی اسمبلی محترمہ کشورزہرا کی گاڑی گن پوائنٹ پرچھینے جانے کے واقعہ پر رابطہ کمیٹی کااظہار مذمت

کراچی ۔۔۔27، جون 2016ء 

متحدہ قومی موومنٹ کی رابطہ کمیٹی نے گلشن اقبال کے علاقے سے حق پرست رکن قومی اسمبلی محترمہ کشورزہرا کی گاڑی گن پوائنٹ پرچھینے جانے کے واقعہ کی شدید مذمت کی ہے اور کہا ہے کہ محترمہ کشور زہرا کی گاڑی نامعلوم مسلح دہشت گرد وں کی جانب سے گن پوائنٹ پر دن دہاڑے چھیننا باعث تشویش ہے ۔ ایک بیان میں رابطہ کمیٹی نے کہاکہ معروف قوال امجد صابری کے بہیمانہ قتل اور چیف جسٹس سندھ کے بیٹے اویس رضا کے اغواء کے بعد کشور زہرا کی گاڑی کا گن پوائنٹ پر چھینے جانا اس بات کا ثبوت ہے کہ جرائم پیشہ عناصر اور دہشت گرد آج بھی سرگرم ہیں اور قانون کی گرفت سے محفوظ ہیں۔ رابطہ کمیٹی نے کہاکہ شہر میں پے درپے ہونے والی وارداتوں سے واضح ہوچکا ہے کہ ایک منظم سازشی منصوبے کے تحت شہر کے حالات کئے جارہے ہیں لیکن اس کے باوجود شہر میں امن و امان کے دعویدار قانون نافذ کرنیو الے ادارے ، حکومت اور انتظامیہ خاموش تماشائی بنی بیٹھی ہیں اور ہر واقعہ میں ایم کیوایم کو ملوث کرکے اپنی جان چھڑانے کی ماضی کی روش پر عمل پیرا ہیں جس کی جتنی بھی مذمت کی جائے کم ہے ۔ رابطہ کمیٹی نے مطالبہ کیا کہ محترمہ کشور زہرا کی گاڑی کو فی الفور بازیاب کرایاجائے اور اس میں ملوث عناصر کو قرا ر واقعی سزا دی جائے ۔