سانحہ مسجد عثمان کی اطلاع ملتے ہی فوری طور پر حق پرست نمائندوں نے جائے حادثہ پر پہنچ کر امدادی سرگرمیاں شروع کردیں
ایم کیو ایم کے وفد کی قائد تحریک جناب الطاف حسین کی خصوصی ہدایت پر مسجد عثمان کے منتظمین سے ملاقات
امدادی سرگرمیوں میں حق پرست اراکین سندھ اسمبلی ،ڈسٹرکٹ سینٹرل کے نامزد چیئرمین ، نارتھ ناظم آباد ٹاؤن آرگنائزنگ کمیٹی کے ذمہ داران و کارکنان، نومنتخب بلدیاتی نمائندگان اور خدمت خلق فاؤنڈیشن کے رضاکاران نے بڑھ چڑھ کر حصہ لیا ۔
لندن۔۔۔10، جون2016ء
نارتھ ناظم آباد میں واقع مسجد عثمان کی چھت کا شیڈ گرنے کے واقعہ کی اطلاع ملتے ہی فوری طور پر حق پرست اراکین سندھ اسمبلی رؤف صدیقی ،انور رضا نقوی ، جمال احمد اورنامزد حق پرست چیئرمین ڈسٹرکٹ سینٹرل ریحان ہاشمی نے جائے حادثہ پر پہنچ کر امدادی سرگرمیاں شروع کردیں ،اس موقعے پر ان کے ہمراہ نارتھ ناظم آباد ٹاؤن آرگنائزنگ کمیٹی کے ذمہ داران ،یوسی کے کارکنان، نومنتخب بلدیاتی نمائندگان اور خدمت خلق فاؤنڈیشن کے رضاکاران بھی موجود تھے۔ حق پرست اراکین سندھ اسمبلی اور نامزد چیئرمین ضلع وسطی ریحان ہاشمی نے مسجد کے منتظمین سے ملاقات کرکے متحدہ قومی موومنٹ کے قائد جناب الطاف حسین کی جانب سے جاں بحق ہونے والے افراد کے لیے دلی افسوس کا اظہار کیا اور زخمیوں کی جلد صحتیابی کے لیے دعا کی ۔ ایم کیو ایم کے وفد نے منتظمین مسجد کوبتایا کہ ہم قائد تحریک جناب الطاف حسین کی خصوصی ہدایت پرامدادی سرگرمیوں کیلئے آئے ہیں اور اپنی جانب سے مکمل تعاون کا یقین دلاتے ہیں ۔ انہوں نے کہا کہ دکھ کی اس گھڑی میں قائد تحریک الطاف حسین اور ایم کیوایم کے تمام کارکنان اس واقعہ میں شہید ہونے والے افراد کے لواحقین کے غم میں کے غم میں برابرکے شریک ہیں۔ بعد ازاں ایم کیو ایم کے وفد کے ارکان نے ایم کیو ایم کے کارکنان اورکے کے ایف کے رضاکاران کے ساتھ مل کر امدادی سرگرمیوں بڑھ چڑھ کر حصہ لیا اور جائے حادثہ میں زخمی ہونے والے نمازیوں کو فوری طور پر کے کے ایف کی ایمبولینس سروس کے ذریعے ہسپتال پہنچایا ۔