کراچی کے مختلف علاقوں سے رینجرزکی جانب سے ایم کیوایم کے کارکنوں اورہمدردوں کی گرفتاریاں قابل مذمت ہیں۔ رابطہ کمیٹی ایم کیوایم

کراچی ۔۔۔ 5 اپریل 2016ء

متحدہ قومی موومنٹ کی رابطہ کمیٹی نے کراچی کے مختلف علاقوں میں ایم کیوایم کے کارکنوں اورہمدردوں کی گرفتاریوں کی شدیدمذمت کی ہے ۔رینجرزکے اہلکاروں نے آج شاہ فیصل کالونی میں ایم کیوایم یوسی 8 کے کارکن عبیداللہ اورایم کیوایم کے شہیدکارکن اشتیاق کے صاحبزادے فیضان کوگھرسے گرفتار کرلیا ۔ رینجرزکے اہلکاروں نے گھرپرچھاپے کے دوران گھرکی خواتین کے ساتھ بدتمیزی بھی کی اورانہیں مغلظات دیں ۔اسی طرح رینجرزنے ایم کیوایم ملیر ٹاؤن یوسی 99کے آرگنائزرمحمداسلم ولدعبدالحمیدکوسعودآبادمیں ان کے گھرسے گرفتارکرلیا۔رینجرزنے کورنگی ٹاؤن یوسی 25کے کارکن محمدآصف کوکورنگی میں ہی گارمنٹس فیکٹری سے گرفتارکرلیاگیا۔رابطہ کمیٹی نے کہاکہ رینجرزنے گرفتاریوں کادائرہ اب ایم کیوایم لیبرڈویژن کے کارکنوں تک بڑھادیاہے ۔آج ایم کیوایم لیبرڈویژن کے پی ٹی یونٹ کے تین کارکنوں نیرولدعیسیٰ، سید شان حیدررضوی اورشکیل احمدکوگرفتارکرلیاگیاجبکہ پیرکے روز ایم کیوایم لیاقت آباد ٹاؤن یوسی 42 کے کارکن حافظ محمدتابش کوبھی رینجرزکے اہلکاروں نے گرفتارکرلیا۔اس سے قبل پاک کالونی سے ایم کیوایم کے یوسی چیئرمین تحسین قریشی کوگرفتار کرلیا گیااورا ن پرطرح طرح کے جھوٹے مقدمات قائم کردیے گئے ۔رابطہ کمیٹی نے کہاکہ حقیقی دہشت گردلائنزایریامیں ایم کیوایم کے انتخابی دفاترکو آگ لگارہے ہیں،دہشت گردی کی کھلی کارروائیاں کررہے ہیں لیکن رینجرزکی جانب سے ان حقیقی دہشت گردوں کے خلاف کوئی کارروائی نہیں کی جارہی ہے بلکہ اس کے بجائے روزانہ شہربھرسے ایم کیوایم کے بے گناہ کارکنوں کارکنوں کو گرفتارکیاجارہاہے اورکرمنلائزیشن پالیسی کے تحت ہرکارکن کوٹارگٹ کلر،عسکری، ونگ اوردہشت گردبناکرپیش کیاجارہاہے اوران پر من گھڑت مقدمات قائم کئے جارہے ہیں ۔ رابطہ کمیٹی نے مطالبہ کیاکہ گرفتاریوں کایہ سلسلہ بندکیاجائے اور گرفتارشدگان کوفی الفوررہاکیاجائے۔رابطہ کمیٹی نے انسانی حقوق کی تنظیموں سے اپیل کی کہ وہ کراچی میں انسانی حقوق کی خلاف ورزیوں پر آوازاحتجاج بلندکریں۔