میرپورخاص کے بعدٹنڈوالہ یار اورٹنڈوجام میں بھی ایم کیوایم کے کارکنوں اور ہمدردوں کی گرفتاریاں

کراچی ۔۔۔ 2 اپریل 2016ء

متحدہ قومی موومنٹ کی رابطہ کمیٹی نے ٹنڈوالہ یار اورٹنڈوجام میں ایم کیوایم کے کارکنوں اور ہمدردوں کی گرفتاریوں کی شدیدمذمت کی ہے ۔رابطہ کمیٹی نے کہا کہ میرپورخاص کی طرح ٹنڈوالہ یار اورٹنڈوجام میں بھی جمعہ اورہفتہ کی درمیانی شب ایم کیوایم کے ذمہ داروں اور کارکنوں کے گھروں پر چھاپے مارے گئے،پولیس نے ایم کیوایم کے سابق زونل ممبر قاضی محمدعلی کے گھرپرچھاپہ مارا اوران کے نہ ملنے پر ان کے دوبھائیوں اطہراوریاسر ولدپروفیسرمظہرعلی قریشی کو گرفتارکرلیا۔اسی طرح یونٹ ون اے کے یونٹ ممبر علی رضاشاہ اوران کے بھتیجے زبیرکوگرفتارکرلیاگیا۔پولیس نے ایم کیوایم کے مرکزی الیکشن سیل کے رکن فیروزخانزادہ اوریونٹ ون اے کے یونٹ انچارج ذیشان خانزادہ کے گھرپربھی چھاپے مارے اورپولیس دروازہ توڑکرگھرمیں داخل ہوئی ۔پولیس نے ٹنڈو جام میں بھی چھاپے مارے اورایم کیوایم کے یونٹ ممبر امجداوران کے بھانجے عبدالصمد کوگھرسے گرفتارکرلیا۔ رابطہ کمیٹی نے ٹنڈوالہ یار اورٹنڈوجام میں ایم کیوایم کے کارکنوں کی گرفتاریوں کی شدیدمذمت کی ہے اوراسے سراسرظلم قراردیاہے۔اپنے بیان میں رابطہ کمیٹی نے کہاکہ اسٹیبلشمنٹ کے تشکیل کردہ ٹولے کوعوام پرمسلط کرنے میں ناکامی پرایم کیوایم کے خلاف پولیس اورحکومتی طاقت کواستعمال کیاجارہاہے ۔ رابطہ کمیٹی نے کہاکہ پارلیمنٹ ہاؤس اور میڈیا پرحملے کرنے والے ،سرکاری املاک کونقصان پہنچانے والے اورشاہراہوں کوبندکرنے والے مذہبی انتہاپسندوں کے ساتھ تومذاکرات کئے جارہے ہیں لیکن اپنے حقوق کیلئے پرامن جدوجہدکرنے والے ایم کیوایم کے پرامن کارکنوں کوگرفتارکیاجارہاہے، ان کے خلاف جھوٹے مقدمات قائم کئے جارہے ہیں اور آئین وقانون کی دھجیاں اڑائی جارہی ہیں۔رابطہ کمیٹی نے کہاکہ چاہے کتنی ہی گرفتاریاں کرلی جائیں،کیساہی ظلم کرلیا جائے ایم کیوایم کوختم نہیں کیاجاسکتا۔ رابطہ کمیٹی نے مطالبہ کیاکہ گرفتارشدگان کوفی الفوررہاکیاجائے اورگرفتاریوں کاسلسلہ بندکیاجائے۔رابطہ کمیٹی نے انسانی حقوق کی انجمنوں سے اپیل کی کہ وہ کراچی ، میرپورخاص، ٹنڈوالہ یار،ٹنڈوجام میں انسانی حقوق کی خلاف ورذیوں کانوٹس لیں اوراس کے خلاف آوازبلندکریں۔