لاہور بم دھماکے کے زخمیوں کی جانیں بچانے کیلئے خون کے عطیات دیں ایم کیوایم کے کارکنوں اورحق پرست عوام سے ایم کیوایم کے قائدالطاف حسین کی اپیل
لندن ۔۔۔ 27 مارچ 2016ء
متحدہ قومی موومنٹ کے قائدجناب الطاف حسین نے لاہورمیں گلشن اقبال پارک میں ہونے والے خودکش دھماکے میں بڑی تعدادمیں معصوم وبے گناہ نوجوانوں، بزرگوں، عورتوں اوربچوں کے جاں بحق اورسینکڑوں کی تعدادمیں زخمی ہونے پر دلی صدمہ اورگہرے رنج وغم کااظہارکرتے ہوئے لاہورمیں ایم کیوایم کے کارکنوں اورحق پرست عوام سے اپیل کی ہے کہ وہ دھماکے میں زخمی ہونے والے افرادکے لئے اسپتال پہنچ کرخون کے عطیات دیں۔انہوں نے کہا کہ بڑی تعدادمیں زخمی ہونے والوں کی جانیں بچانے کے لےئے لاہورکے اسپتالوں میں فوری طورپرخون کے عطیات کی اشدضرورت ہے لہٰذاکارکنان و عوام اسپتال پہنچ کرخون کے عطیات دیں اور زخمیوں کی جانیں بچانے کے لئے اپناکرداراداکریں۔