ایم کیوایم کی رابطہ کمیٹی کے ڈپٹی کنوینر شاہدپاشا کو رینجرزنے کراچی کے علاقے گلستان جوہرمیں واقع ان کی رہائش گاہ سے گرفتارکرلیا

کراچی ۔۔۔ 20 مارچ 2016ء

متحدہ قومی موومنٹ کی رابطہ کمیٹی کے ڈپٹی کنوینر شاہدپاشا کو رینجرزنے کراچی کے علاقے گلستان جوہر میں واقع ان کی رہائش گاہ سے گرفتارکرلیا۔ تفصیلات کے مطابق رینجرزکی بھاری نفری نے اتواراورپیرکی درمیانی شب تین بجے گلستان جوہر کے بلاک 18میں واقع بلیسنگ ہائٹس میں ان کے فلیٹ پرچھاپہ مارا ۔ رینجرز کے اہلکاروں نے بغیروارنٹ کے چھاپہ مارا، پورے گھرکی تلاشی لی اورانہیں اپنے ساتھ لے گئے ۔ شاہدپاشا کے اہل خانہ کوکچھ نہیں بتایاگیاکہ انہیں کیوں گرفتار کیا گیاہے اورکہاں لے جایاجارہاہے ۔