متحدہ قومی موومنٹ ٹنڈوالہیارزون کی جانب سے ایم کیوایم کے قائد جناب الطاف حسین سےاظہار یکجہتی کے لئے جمعرات کی شب یکجہتی ریلی نکالی گئی

ٹنڈو الہ یار۔۔۔۔۔04مارچ2016

متحدہ قومی موومنٹ ٹنڈو الہ یار زون کی جانب سے ایم کیوایم کے قائد جناب الطاف حسین سے اظہار یکجہتی کے لئے جمعرات کی شب یکجہتی ریلی نکالی گئی ۔ سندھ تنظیمی کمیٹی کے رکن سید محمد علی شاہ ، مرکزی الیکشن سیل کے اراکین فیروز خانزادہ ،آفتاب عالم خانزادہ ، قائم مقام زونل انچارج عبدالرحمان ایڈوکیٹ و اراکین زونل کمیٹی، یونٹ ذمہ داران اور کارکنان کی بڑی تعداد نے ریلی میں شریک ہو کر قائد تحریک الطاف حسین سے بھرپور یکجہتی کا اظہار کیا ۔ سندھ تنظیمی کمیٹی کے رکن سید محمد علی شاہ ، قائم مقام زونل انچارج عبدالرحمان ایڈوکیٹ و اراکین زونل کمیٹی نے پریس کلب کے سامنے ریلی کے شرکاء سے خطاب بھی کیا۔شہر کے مختلف مقامات سے گذرنے کے بعد زونل آفس کے سامنے ریلی اختتام پذیر ہوئی ۔اس موقع پر سندھ تنظیمی کمیٹی کے رکن سید محمد علی شاہ نے ریلی کے شرکاء کے ہمراہ قائد تحریک الطاف حسین بھائی سے تجدید عہد وفا کرتے ہوئے ہر کڑے وقت میں اپنا عہد وفا نبھانے کا اعادہ کیا