فہیم احمد صدیقی کی والدہ محترمہ کے انتقال پر ایم کیوایم رابطہ کمیٹی کااظہارتعزیت

کراچی ۔۔۔ 2؍ مارچ 2016ء 

متحدہ قومی موومنٹ کی رابطہ کمیٹی نے جیو نیوز کراچی کے بیورو چیف فہیم احمد صدیقی کی والدہ محترمہ کے انتقال پر گہرے دکھ اور افسو س کااظہار کیا ہے ۔ ایک تعزیتی بیان میں رابطہ کمیٹی نے مرحومہ کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی ۔ر ابطہ کمیٹی نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور سوگواران کو صبرجمیل عطاکرے۔ (آمین)

دریں اثناء فہیم صدیقی کی والدہ کی نماز جنازہ جامع مسجد شادمان میں ادا کی گئی جس میں اراکین رابطہ کمیٹی سیدامین الحق،قاسم علی رضا، قائدحزب اختلاف خواجہ اظہارالحسن ،ایم کیو ایم شعبۂ اطلاعات اور حق پرست اراکین اسمبلی جمال احمداوروسیم قریشی نے شرکت کی۔