قائد تحریک الطاف حسین کی تقاریر ، تصاویر اور بیانات نشر اور شائع کرنے پر عائد پابندی کے خلاف پنجاب میں بھی علامتی بھوک ہڑتال کا فیصلہ

لاہور۔۔۔۔۔21 فروری2016 ؁ء

متحدہ قومی موومنٹ کی مرکزی پنجاب کمیٹی نے مشاورتی اجلاس میں فیصلہ کیاہے کہ کراچی کی طرح پنجاب میں بھی قائد تحریک جناب الطاف حسین کی تقاریر، تصاویر اور بیانات نشر اور شائع کرنے پر عائد پابندی کے خلاف پنجاب میں علامتی بھوک ہڑتال کی جائیگی اور متحدہ قومی موومنٹ کی رابطہ کمیٹی نے اس فیصلے کی توثیق بھی کر دی ہے۔ جس کے مطابق مورخہ23 اور 24 فروری کو اسلام آباد ، ملتان اور رحیم یارخان میں، مورخہ24 اور 25 فروری کو لاہور اور مورخہ25 فروری کو فیصل آباد پریس کلب کے سامنے بھوکی ہڑتالی کیمپ لگائے جائیں گے۔ جس میں ایم کیو ایم کے ذمہ داران و کارکنان عرصہ چھ ماہ سے جناب الطاف حسین پر اظہار رائے کی پابندی کے خلاف پر امن احتجاج ریکارڈ کروائیں گے۔ اس سلسلہ میں انتظامات کی تیاریاں شروع کر دی گئی ہیں۔