جناب الطاف حسین کی تحریر ، تقریر اور بیانات پر عائد غیر جمہوری پابندی کے خلاف کراچی پریس کلب کے باہر بھوک ہڑتالی کیمپ پر مختلف سیاسی ، سماجی ، مذہبی اور صحافی تنظیموں کے وفود کی کی شام تک آمد

کراچی ۔۔۔19، فروری 2016ء 

قائدتحریک جناب الطاف حسین کی تحریر ،تقریر اور بیانات پر عائد غیر جمہوری پابندی کے خلاف کراچی پریس کلب کے باہر متحدہ قومی موومنٹ کے زیراہتمام کی جانے والی علامتی بھوک ہڑتال کے پہلے روز مختلف سیاسی ، سماجی ، مذہبی ، صحافی تنظیموں کے وفود نے بھوک ہڑتالی کیمپ کا دورہ کیا اور پرنٹ و الیکٹرانک میڈیا پر قائدتحریک جناب الطاف حسین پر پابندی کے خلاف یکجہتی کااظہار کیا ۔علامتی بھوک ہڑتال کے پہلے روز شام تک یکجہتی کااظہا ر کرنے والوں میں کراچی یونین آف جرنلسٹ کے صدر حسن عباس اور اراکین ، پاکستان فیڈرل یونین آف جرنلسٹ کے سیکریٹری امین یوسف اور اراکین ، جناح اخبار کے چیف ایڈیٹر و شاعر وادیب محمود شام ،ویٹ لفٹر چیمپئن عبد المالک ،پاکستان ایسوسی ایٹ کے صدر شعیب احمد ،علمائے کرام علامہ اطہر مشہدی ، اویس رضا قادری ، عرفان رضا قادری،کرسچن برادری کے شیفرڈ انور جاوید ، کے ایم سی سجن یونین ، کراچی واٹر اینڈ سیوریج بورڈ ، پی ڈبلیو ڈی ، اقلیتی امور کورنگی ٹاؤن ، انار کلی بازار فیڈرل بی ایریا مارکیٹ ایسوسی ایشن کے وفد شامل تھے ۔ اس موقع پر کراچی یونین آف جرنلسٹ کے صدر حسن عباس اپنے خیالات کااظہار کرتے ہوئے کہاکہ ملک میں تمام شہریوں کو اپنی رائے کے اظہار کا حق حاصل ہے اور یہ حق انہیںآئین پاکستان نے دیا ہے ۔انہوں نے کہاکہ آئین پاکستان کی جب بات ہوتی ہے تو کراچی یونین آف جرنلسٹ بھی یہی کہتی آئی ہے کہ کسی کی رائے پر قدغن لگائی نہیں جاسکتی ، بارہا ایسا ہوا جب صحافیوں کے حقوق پر قدغن لگا ئی گئی تو ایم کیوایم نے صحافی برادری کا ساتھ دیا جس پر متحدہ قومی موومنٹ کاشکریہ اداکرتے ہیں ، یہ فیصلہ عوام پر چھوڑا جائے کہ کون صحیح اور غلط بات کررہا ہے ، سندھ کے متعلق فیصلے پنجاب کی کورٹ سے آتے ہیں عدالتیں جب ایسے فیصلے کرتی ہیں اور دوسرے صوبوں میں احساس محرومی پھیلتا ہے ،اگر ایسا کرنا ہے تو آئین کے آرٹیکل کو ہی نکال دیاجائے جو اظہار رائے کی آزادی دیتا ہے کسی ؂ سیاسی ، مذہبی جماعت کے لیڈر ر پابندی لگی ہوگی تو ہم وہاں کھڑے ہوں گے ۔پاکستان فیڈرل یونین آف جرنلسٹ کے سیکریٹری امین یوسف نے کہا کہ آرٹیکل19یا 19-Aکی بات نہیں ، اس ملک میں چیپٹر 2، 8سے لیکر 28تک کہیں رائج نہیں ہوتا جس کے تحت بنیادی حقوق حاصل ہو ۔انہوں نے کہاکہ پی ایف یو جے کی تاریخ گواہ ہے کہ ہم نے ہمیشہ آزادی اظہار اور آزادی صحافت کیلئے بات کی ہے اور اس کیلئے کوڑے کھائے ہیں اور ڈرے نہیں ہیں۔ ہم آزادی اظہار کے قائل ہیں ، لاکھوں کروڑوں چاہنے والے جس کے ہوں اس کی آواز کو اس طرح دبایا نہیں جاسکتا ، آئین کے آڑٹیکل پر من و عن عمل ہونا چاہئے اور آج ہم اظہار رائے کی آزادی کیلئے اظہار یکجہتی کیلئے حاضر ہے ۔انہوں نے کہا کہ ورکنگ جرنلسٹ جو مظلوم طبقہ ہے وہ اس معاملہ پر آپ کے ساتھ ہیں ، ایم کیوایم نے ہمیشہ ہماری آواز میں آواز ملائی ہے اور اسلئے آج ہم ایم کیوایم سے آواز ملا رہے ہیں ۔کرسچن برادری کے مذہبی رہنما شیفرڈ انور جاوید کہا کہ ہم جناب الطاف حسین سے اظہار یکجہتی کیلئے اس لئے آئے ہیں کہ جناب الطاف حسین نے ہر موقع پر اپنی آواز کو مظلومین کیلئے بلند کیا اور آج ہمارا بھی فرض ہے کہ ان پر عائد پابندی کے خلاف آواز بلند کریں ۔