معروف اداکار حبیب کی علالت پر ایم کیوایم کے قائد جناب الطاف حسین کا اظہار تشویش
حبیب نے بے پناہ تاریخی سماجی مسائل پر مبنی فلموں میں بہت نمایا ں اور تاریخی کردار ادا کیا ،الطاف حسین
حق پر ست عوام اداکارحبیب کی جلد ومکمل صحتیابی کیلئے اللہ تعالیٰ کے حضور خصوصی دعائیں کریں ،الطاف حسین
لندن۔۔15فروری 2016ء
متحدہ قومی موومنٹ کے قائدجناب الطاف حسین نے معروف اداکار حبیب کی علالت پر گہری تشویش کااظہار کر تے ہوئے ان کی جلد ومکمل صحتیابی کیلئے دعا کی ہے ۔ ایک بیان میں جناب الطاف حسین نے کہا کہ حبیب نے بہت سی تاریخی اورسماجی مسائل پر مبنی فلموں میں بہت نمایا ں اور تاریخی کردار ادا کیا ہے ۔جناب الطاف حسین نے کہا کہ مجھے جب یہ اطلاا ع ملکی کہ گذشتہ رات انکی طبیعت خراب ہوگئی اور اسپتال لے جاتے ہوئے معلوم ہوا کہ انکو برین ہیمرج ہو اہے اور انہیں وینٹی لیٹر پر رکھا ہوا ہے جس پر مجھے گہری تشویش لاحق ہوئی ہے ۔ جناب الطاف حسین نے حق پر ست ماؤں ،بہنوں ،بزرگوں ، نوجوانوں اور خصوصاً شو بز سے تعلق رکھنے والے تمام افراد سے اپیل کی ہے کہ وہ اداکارحبیب کی جلد ومکمل صحتیابی کیلئے اللہ تعالیٰ کے حضور خصوصی دعائیں کریں ۔