متحدہ قومی موومنٹ امریکہ کے ۱توار 14 فروری کو ہونے والے اہم جنرل ورکرز اجلاس کی تیاریاں زور و شور سے جاری ہیں

واشنگٹن ڈی سی ۔۔۔ 14؍ فروری 2016ء

متحدہ قومی موومنٹ امریکہ کے ۱توار ۱۴ فروری کو ہونے والے اہم جنرل ورکرز اجلاس کی تیاریاں زور و شور سے جاری ہیں، اس سلسلے میں گزشتہ دو دنوں میں سینٹرل آرگنائزنگ کمیٹی، امریکہ بھر میں پھیلے متحدہ قومی موومنٹ امریکہ کے چیپٹرز انچارجز، کونٹیکٹ کمیٹیز انچارجز، کمیونیکیشن اینڈ میڈیا سیل اور دیگر شعبہ جات کے کئی اجلاس منعقد کئے جا چکے ہیں اور اس حوالے سے ضروری کمیٹیوں کی تشکیل اور انکی ذمہ داریوں کا تعین بھی کر دیا گیا ہے جبکہ ان اجلاسوں میں سینٹرل آرگنائزر متین یوسف، سینئر جوائنٹ آرگنائزر عارف صدیقی، جوائنٹ آرگنائزر شمیم صدیقی، سابق سینٹرل آرگنائزر جنید فہمی اور سابقہ سینٹرل آرگنائزنگ کمیٹی کے ذمہ داران سمیت امریکہ بھر میں پھیلے ایم کیو ایم کے چیپٹرز، کونٹیکٹ کمیٹیز، مختلف شعبہ جات اور ونگز کے ذمہ داران و کارکنان نے شرکت کی۔ تیاریوں کے حوالے سے منعقدہ جنرل ورکرز اجلاس میں سینٹرل آرگنائزر متین یوسف نے گفتگو کرتے ہوئے کہا کہ قائد تحریک ہمیشہ اپنے کارکنوں سے رابطہ میں رہتے ہیں اور گاہے بگاہے پاکستان سمیت دنیا بھر میں پھیلے یونٹس اور ونگز کو پاکستان کے سیاسی حالات، ملکی اور بین الاقوامی سطح پر درپیش مشکلات ، ایم کیو ایم کے کردار اور تنظیمی پالیسیوں کے حوالے سے اپنے بیانات و خطابات کے ذریعے رہنمائی کرتے رہتے ہیں مگر ۱۴ فروری کو ہونے والے جنرل ورکرز اجلاس کی خصوصیت یہ ہے کہ طویل عرصہ بعد یہ موقع آیا ہے جس میں قائد تحریک تمام کارکنوں سے براہ راست گفتگو اور تبادلہ خیال کریں گے۔ انھوں نے کہا کہ ایم کیو ایم کے کارکنان کا خاصہ ان کابے مثال نظم و ضبط ہے جو تحریک کی جانب سے کارکنوں کو دی جانے والی پہلی تعلیم بھی ہے اور اسی نظم و ضبط اور قائد کے احترام کا ہمیں جنرل ورکرز میں بھر پور مظاہرہ کرنا ہے۔ اس موقع پر چیپٹرز انچارجز اور کونٹیکٹ کمیٹیز کے ذمہ داران کو اپنے متعلقہ شہروں میں قائد تحریک کے خطاب کے انتظامات سے متعلق اہم تنظیمی ہدایات بھی دی گیءں۔ جنرل ورکرز اجلاس کی جاری تیاریوں ،سوشل میڈیا،ٹیلی کانفرنسنگ اور ویڈیو کانفرنسنگ کی حوا لے سے ضروری انتظامات کے جائزے اور مشاورت کیلئے ایک اہم اجلاس گزشتہ رات سینٹرل آرگنائزر متین یوسف کی صدارت میں منعقد ہوا۔ اجلاس میں سینٹرل آرگنائزنگ کمیٹی کے اراکین سمیت کمیونیکیشن اینڈ میڈیا سیل کے زمہ داران نے شرکت کی۔ اجلاس میں خصوصی طور پر ٹیلی کانفرنسنگ اور ویڈیو کانفرنسگ کے معاملات زیر غور آئے اور اس حوالے سے اہم تیکنیکی معاملات پر صلح مشورے کے ساتھ ساتھ ویڈیو کانفرنسنگ کی پائلٹ ٹیسٹنگ بھی کی گئی تاکہ ۱۴ فروری کو منعقد ہونے والے اس اہم اجلاس کی کاروائی بلا کسی تعطل اور رکاوٹ کے کامیابی سے مکمل کی جاسکے۔ قبل ازیں متحدہ قومی موومنٹ کے قائد الطاف حسین نے متحدہ قومی موومنٹ امریکہ کے تنظیمی امور کی بہتری اور تنظیمی کام کو امریکہ بھر میں مزید منظم اور جدید خطوط پر استوار کرنے کیلئے ایم کیو ایم امریکہ کے کارکنان کا جنرل ورکرز اجلاس طلب کیا ہے جو بروز اتوار ۱۴ فروری کو نیویارک ٹائم کے مطابق دوپہر دو بجے امریکہ کی مختلف ریاستوں کے ۲۲ سے زائد شہروں میں بیک وقت منعقد ہوگا جس میں امریکہ بھرکے کارکنان شرکت کریں گے۔