’’ایشن پاور لفٹنگ چیمپئن شپ 2015‘‘ میں پہلی پاکستانی خاتون گولڈ میڈلسٹ ’’ٹوئینکل سہیل کھوکھر‘‘ کی خورشید بیگم سیکڑیٹریٹ میں رابطہ کمیٹی کے سینئر ڈپٹی کنوینر ڈاکٹر فاروق ستار سے ملاقات

کراچی ۔۔۔ 12؍ فروری 2016ء

ایشن پاورلفٹنگ چیمئن شپ میں پاکستان کی کرسچن بردادری سے تعلق رکھنے والی پہلی پاکستانی خاتون گولڈ میڈلسٹ ’’ٹوئینکل سہیل کھوکھر‘‘ نے گزشتہ روز ایم کیوایم کے مرکز نائن زیرو سے متصل خورشید بیگم سیکریٹر یٹ عزیز آباد میں رابطہ کمیٹی کے سینئر ڈپٹی کنوینر ڈاکٹر فاروق ستار سے ملاقات کی۔ انیس سالہ نوجوان خاتون کھلاڑی نے 2015ء میں مسقط میں ہونے والے میں ’’پاورلفٹنگ پریس چیمپئن شپ‘‘ میں دنیا کی 12 ممالک کی خاتون کھلاڑیوں کے مقابلے میں گولڈ میڈل حاصل کیا۔ ملاقات کے موقع پر اراکین رابطہ کمیٹی عادل خان، عارف خان ایڈوکیٹ، ایم کیو ایم شعبہ اقلیتی امور کے انچارج منوہر لال اور رکن گلفام جاوید بھی موجود تھے۔ اس موقع پر ایم کیو ایم رابطہ کمیٹی کے سینئر ڈپٹی کنوینر ڈاکٹر فاروق ستارنے ٹوئینکل سہیل کھوکھر کو ’’ایشینپاورلفٹنگ چیمپئن شپ 2015‘‘ میں گولڈ میڈل جیت کر دنیا میں پاکستان کا نام روشن کرنے پر قائد تحریک جناب الطاف حسین کی جانب سے مبارکباد پیش کی اور جناب الطاف حسین کی جانب سے نوجوان کھلاڑی کی حوصلہ افزائی کے لئے دس ہزار روپے بھی پیش کئے۔ انہوں نے کہا کہ پاکستان کے نوجوان اپنے فن و مہارت سے دنیا بھر میں اپنے ملک کا نام روشن کرنے میں اہم کردار ادا کررہے ہیں۔