ایم کیوایم کے شہید کنوینر ’’شہید انقلاب‘‘ ڈاکٹر عمران فاروق کی بیوہ شمائلہ عمران اور بیٹے عالیشان اور وجدان نے بھی قائد تحریک الطاف حسین کو انٹرنیشنل سیکریٹیریٹ پہنچ کر مبارکباد دی

لندن ۔۔۔ 2 فروری 2016ء

میٹرو پولیٹن پولیس کی جانب سے ایم کیوایم کے قائدجناب الطاف حسین کی پولیس ضمانت کی پابندیاں ہٹائے جانے پرپیرکی شام جہاں لندن اور مختلف شہروں سے ایم کیوایم کے کار کنان اور ہمدرد بڑی تعداد میں جناب الطاف حسین کو مبارکباد پیش کرنے کیلئے انٹرنیشنل سیکریٹریٹ پہنچے تھے ان میں ایم کیوایم کے شہید کنوینر ’’شہیدانقلاب ‘‘ ڈاکٹرعمران فاروق کی بیوہ شمائلہ عمران اوردونوں بیٹے عالیشان اور وجدان بھی شریک تھے۔ کارکنوں سے خطاب کے دوران قائد تحریک جناب الطاف حسین نے کہاکہ ’’ شہیدانقلاب‘‘ ڈاکٹرعمران فاروق شہید کے بارے میں ایم کیوایم کے دشمن عناصر نجانے کیسی کیسی منفی،گمراہ کن اورزہریلی باتیں کرتے ہیں لیکن لوگ دیکھ لیں کہ ڈاکٹرعمران فاروق شہید کی بیوہ اوربچے تومیرے ساتھ ہیں اورآج بھی یہاں بیٹھے ہیں ۔ اس موقع پر جناب الطاف حسین نے ڈاکٹرعمران فاروق شہید کی بیوہ شمائلہ عمران اوران کے بچوں عالیشان اوروجدان کواپنے پاس بلایااور بچوں سے پوچھاکہ آپ مجھے کیا کہتے ہیں؟ اس پر دونوں بچوں عالیشان اوروجدان نے جواب دیا ’’ دادا ابو ‘‘ ۔جناب الطاف حسین نے دونوں بچوں کوگلے لگایااورپیارکیا، ڈاکٹرعمران فاروق شہیدکے ذکرپر ان کی بیوہ شمائلہ عمران رونے لگیں جس پر جناب الطاف حسین نے ان کے سرپربھی دست شفقت رکھا اوردعائیں ۔اس موقع پر سیکریٹریٹ کا ماحول افسردہ ہوگیا۔