لند ن میں جاری منی لانڈرنگ کیس میں جناب الطاف حسین کی ضمانت منسوخ،ملک بھر میں کارکنان کا جشن

کراچی ۔۔۔یکم؍ فروری2016ء

متحد ہ قومی موومنٹ کے قائد جناب الطاف حسین پر سے لندن میں جاری منی لاڈرنگ کیس میں جناب الطاف حسین کی ضمانت منسوخ ہونی کی خوشی میں کراچی، حیدرآباد ، میر پورخاص، سکھر ، خیر پور، لاہور، اسلام آباد ، فیصل آبادسمیت ملک بھر میں ایم کیوا یم کے تنظیمی دفاترمیں کارکنان کی جانب سے خوشیاں منائی گئیں اور جشن کا اہتمام کیا گیا جبکہ کارکنان اور عوام کی جانب سے جشن کا مرکزی اجتماع جناب الطاف حسین کی رہائشگاہ المعروف ’’نائن زیرو‘‘ پر فقید المثال اور تاریخ ساز انداز میں منعقد کیا گیاجس کے شرکاء سے جناب الطاف حسین نے بذریعہ لندن سے خطاب کیا ۔جشن بذریعہ ذرائع ابلاغ لندن سے ایم کیو ایم کی رابطہ کمیٹی کے کنوینر ندیم نصرت ،اراکین لندن رابطہ کمیٹی، جبکہ کراچی میں رابطہ کمیٹی کے سینئر ڈپٹی کنونیر عامر خان ،ڈپٹی کنوینر کہف الوریٰ، سید شاہد پاشا، اراکین رابطہ کمیٹی ، سینٹرل ایگزیکٹو کونسل کے انچار ج و اراکین،تنظیمی شعبہ جات کے ذمہ داران،حق پرست ارکان پارلیمنٹ، نومنتخب بلدیاتی چےئرمین ،وائس چےئر مین،بلدیاتی پینل کے اراکین اورنوجوانوں ، بچوں ، خواتین سمیت ہزاروں افراد نے بڑی تعداد میں شرکت کرکے اپنی خوشی کا اظہار کیا۔اس سلسلے میں نائن زیرو کے سامنے اسٹیج تیار کیا گیاتھاجبکہ جناح گراؤنڈ ، مکا چوک اور اطرا ف کی گلیوں میں نوجوانوں کی بڑی تعداد موجود تھی جو ڈھول کی تھاپ اور ایم کیوایم کے مختلف ترانوں پربھنگڑے ڈالتے رہے اور والہانہ رقص کرتے رہے، شرکاء جشن نے اپنے ہاتھوں میں جناب الطا ف حسین کی تصاویر اور پر چم تھامی ہوئی تھیں ،خواتین کارکنان نے اپنے سروں پر ’’I Am ALTAF‘‘ کے بینڈز باندھے ہوئے تھے ،ایم کیوا یم کے پرچم کی مناسبت اور سے ڈوپٹے اور چوڑیاں زیب تن کی ہوئی تھیں ،جبکہ بچوں نے اپنے چہروں پر ایم کیوا یم کا پرچم پینٹ کروایا ہواتھا،کا رکنان اور عوام ایک دوسرے کو مٹھیا ں کھلاتے رہے اور مبارک ہو مبارک ہو ۔۔۔ختم کرو ، ختم کرو پابندی ختم کرو۔۔۔،ہم نہ ہوں ہمارے بعد الطاف۔۔۔الطاف کے نعرے لگاکر اپی خوشی کا اظہار کرتے رہے۔جناب الطاف حسین کے خطاب کے بعد ایم کیوا یم کے تحت میوزیکل نائٹ کا بھی اہتمام کیا گیا جس میں ملک کے معروف گلوکاروں اور فنکاروں نے اپنے فن کا مظاہرہ کیا ۔