ایم کیوایم کی جانب سے بنگلہ دیش کے ریڈکراس کیمپوں میں محصورپاکستانیوں میں تقریباًڈھائی ہزارکمبلوں کی تقسیم

لندن ۔۔۔ 26 جنوری 2016ء

ایم کیوایم کی جانب سے بنگلہ دیش کے ریڈکراس کیمپوں میں محصورپاکستانیوں میں تقریباًڈھائی ہزارکمبل تقسیم کئے گئے۔تفصیلات کے مطابق چند روزقبل ایم کیوایم کے قائدجناب الطاف حسین کے علم میں یہ آیاتھاکہ بنگلہ دیش کے ر یڈکراس کیمپوں میں محصورپاکستانی سخت سر دی کے موسم میں نہایت مشکل حالات میں زندگی گزاررہے ہیں اورانہیں کمبلوں کی اشدضرورت ہے۔ اس پرجناب الطاف حسین نے فوری طورپررابطہ کمیٹی کوہدایت کی کہ کسی بھی طرح کرکے محصورپاکستانیوں کے لئے کمبلوں کابندوبست کیاجائے۔جناب الطاف حسین کی ہدایت پر ڈھائی ہزارکمبل بنگلہ دیش بجھوائے گئے ۔ یہ کمبل محصور پاکستانیوں کی فلاح وبہہودکیلئے قائم تنظیم ’’ ایس پی جی آرسی ‘‘کے ذریعے ریڈکراس کیمپوں میں محصورین میں تقسیم کئے گئے۔کمبلوں کی تقسیم پر محصور پاکستانیوں میں شامل خواتین، بزرگوں، خواتین اوربچوں نے جناب الطاف حسین کاشکریہ اداکیااورجناب الطاف حسین کی صحت وتندرستی اورکامیابی کے لئے دعائیں کیں۔ محصورپاکستانیوں کے نمائندہ گروپ کی جانب سے جناب الطاف حسین کو اظہارتشکرکاایک خط بھی بھیجاہے جس میں کہاگیاکہ مشکل وقت میں آپ نے محصورپاکستانیوں کی ایک بارپھرمددکی ہے اور انہیں امدادی سامان پہنچایاہے جس پر تمام محصورپاکستانی آپ کے شکرگزارہیں اورآپ کیلئے دعا گو ہیں ۔ 




تصاویر